Լեհ լրագրողը սպառնալիքներ է ստանում Ղարաբաղի մասին ֆիլմ նկարահանելու որոշման պատճառով

Հայերը եվրոպական քաղաքակրթության մաս են կազմում և մենք պարտավոր ենք օգնել նրանց իսլամական աշխարհի և Թուրանի կողմից հարձակման դեպքում: Այդ մասին «Վկոնտակտե» սոցցանցի իր էջում գրառում է կատարել լեհ լրագրող Տոմաշ Մացեյչուկը: Նա հայտարարել է նաև, որ սպառնալիքներ է ստանում Ղարաբաղի մասին փաստագրական ֆիլմ նկարահանելու որոշման պատճառով: Հաղորդում է PanARMENIAN.Net-ը: 

«Սպառնալիքներ եմ ստանում Ղարաբաղի հարցում իմ դիրքորոշման պատճառով: Ինձ ուզում են ահաբեկել, քանի որ ես հանդես եմ գալիս Արցախի կողմից, ի պաշտպանություն հայերի մահմեդականներից, որոնք արդեն մի անգամ ցեղասպանություն են գործել հայերի հանդեպ:
Եվրոպան պետք է հստակ հասկանա` Ադրբեջանն ու Թուրքիան պատրաստ են ցանկացած պահի ոչնչացնել Հայաստանը և իրենց օգտին լուծել հայ ժողովրդի գոյատևման հարցը: Հայերը եվրոպական քաղաքակրթության մաս են կազմում և մենք պարտավոր ենք օգնել նրանց իսլամական աշխարհի և Թուրանի կողմից հարձակման դեպքում»,-գրել է լեհ լրագրողը:

Նա հայտնել է նաև, որ շուտով կրկին ելույթ է ունենալու ռուսական հեռուստատեսությամբ, կրկին Ղարաբաղի հարցով: «Ես թքած ունեմ վայրենիների սպառնալիքների վրա: Ես լեհ եմ, ես երբեք չեմ կանգնի Ադրբեջանի ու Թուրքիայի կողքին Հայաստանի դեմ: Լեհ թագավոր Յան III Սոբեսկին ցույց է տվել թե ինչպես է պետք է խոսել Թուրանի հետ, և պետք է շարունակել այդ գիծը: Թեման փակված է»,-գրել է Մացեյչուկը:

Նա ասել է, որ ռուս ռազմական թղթակցի հետ քննարկել է Ղարաբաղի մասին փաստագրական ֆիլմի նկարահանման հնարավորությունը:

Մանրամասները՝ PanARMENIAN.Net-ում: