Վահագն Չախալյանն ու Նաիրի Հոխիկյանը նորից բերման ենթարկվեցին

Քիչ առաջ «Ազատագրական շարժումը» հերթական բողոքի ակցիան էր իրականացնում։ Շարժման անդամները այս անգամ արտգործնախարարության շենքի մոտ էին ու հանդիպում էին պահանջում նախարար Արարատ Միրզոյանի հետ։

Նշենք, որ ակցիայի մասնակիցներին թեպետ հաջողվեց մտնել շենք, սակայն ոստիկանությունը նրանց թույլ չտվեց առաջանալ, ավելին՝ անցավ գործի ու սկսեց մարդկանց բերման ենթարկել։

Շարժման հիմնադիրներից լրագրող Նաիրի Հոխիկյանն ու Վահագն Չախալյանը նույնպես բերման ենթարկվածների թվում են։