Լավրովի սկանդալային ձայնագրությունը. «ՌԴ-ն ՀՀ-ից բացատրություն է պահանջել Ալեն Սիմոնյանի «Լավրովի պլանի» ու «Ղարաբաղը հանձնելու» խոսքերի վերաբերյալ»

Նոր սկանդալ է հասունանում հայ-ռուսական բարձրագույն ղեկավարության շրջանում: Համացանցում ձայնագրություն է հայտնվել, որտեղ հանդիպումներից մեկի ժամանակ ՌԴ ԱԳՆ ղեկավար Սերգեյ Լավրովն անդրադարնալով Ադրբեջանի ու Հայաստանի կողմից հնչող դժգոհություններին՝ Արցախյան երրորդ պատերազմի արդյունքների մասով, հիշատակել է ՀՀ ԱԺ նախագահ Ալեն Սիմոնյանի ավելի վաղ արված հայտարարությունը:

Ավելի վաղ ռուսական լրատվամիջոցների ներկայացուցիչների հետ հանդիպման ժամանակ Հայաստանի խորհրդարանի ղեկավար Ալեն Սիմոնյանը, հիշատակելով «Լավրովի պլանը», Ռուսաստանի հետ կապեց «Ղարաբաղի հանձնումը»:

Այնուհետև եղել է ՌԴ ԱԳՆ պատասխանն առ այն, որ դա Ալեն Սիմոնյանի «երևակայության մեջ է». «Դժվար է մեկնաբանել այն, ինչ գոյություն ունի ոչ թե իրականում, այլ երևակայության մեջ»: Նման երևակայական իրողություններին է վերաբերում նաև «Լավրովի պլանը:

Ստորև Ձեզ ենք ներկայացնում Սերգեյ Լավրովի անդրադարձի այդ հատվածը հայերեն թարգմանությամբ.

«Մենք տեսնում ենք դժգոհություն թե Ադրբեջանում, որ այնտեղ են կանգ առել: Թե Հայաստանում, նույնպես մշտապես, ներառյալ ձեր խորհրդարանի խոսնակին (ՀՀ ԱԺ նախագահ Ալեն Սիմոնյանին-խմբ.), որը քիչ էր մնում մեղադրեր Ռուսաստանի Դաշնությանը Ղարաբաղը հանձնելու մեջ: Մենք հարցում ենք հղել, թե ի՞նչ է այս ամենը նշանակում: Մենք հասկանում ենք Հայաստանում իրավիճակի դժվարությունները, հասկանում ենք, քանի որ ամեն ինչ այդքան հեշտ չի, բայց շահարկել այն դերը, որը խաղաց Ռուսաստանը, ես գտնում եմ, որ դա այնքան էլ ճիշտ չէ: Այդ իսկ պատճառով համանախագահներին (ԵԱՀԿ Մինսկի խմբի-խմբ.) պետք է նպատակադրել այն բանին, որ շուտ պայմանավորվեն մարդասիրական կազմակերպությունների ժամանման ուղիների մասին, ՅՈՒՆԵՍԿՈ-ի պատվիրակության ժամանելուն, որ շրջեն, մշակութային ժառանգությունը լինի վերահսկողության տակ: Այսպիսի բաներ, որոնք ծափերի կարիք չունեն փողոցային միտինգների ժամանակ, որոնք վերնագրեր չեն տպում թերթերի առաջին էջերին և հեռուստատեսային լրատվության փրայմ-թայմի ժամանակ. այլ որոնք օգնում են մարդկանց հանգստանալ, նորմալ ապրել իրենց տներում այլ համայնքի ներկայացուցիչների հետ հարևանությամբ»,-ասաց ՌԴ արտգործնախարարը:

Zham.am