«3 + 3»-ի առաջին հանդիպումը Մոսկվայում է տեղի ունենալու

«3 + 3» ձևաչափով համագործակցության հարթակի առաջին հանդիպումը՝ նվիրված Հարավային Կովկասում «խաղաղության և կայունության ապահովման» հարցերին, տեղի կունենա փոխարտգործնախարարների մակարդակով և կանցկացվի դեկտեմբերի 10-ին ՌԴ մայրաքաղաք Մոսկվայում: Այս մասին հինգշաբթի օրը լրագրողների հետ զրույցում հայտնել է Թուրքիայի արտաքին գործերի նախարար Մևլութ Չավուշօղլուն, փոխանցում է ՏԱՍՍ-ը։

«Հարավային Կովկասում խաղաղություն և կայունություն ապահովելու նպատակով Թուրքիայի նախագահ Էրդողանի և Ադրբեջանի նախագահ Իլհամ Ալիևի առաջարկած «3 + 3» ձևաչափով տարածաշրջանային համագործակցության հարթակի առաջին հանդիպումը տեղի կունենա 2021 թվականի դեկտեմբերի 10-ին Մոսկվայում»,-ասաց նա։

Հաղորդվում է նաև, որ նիստին կմասնակցեն Հայաստանի, Թուրքիայի, Ադրբեջանի, Ռուսաստանի և Իրանի փոխարտգործնախարարները։

Zham.am