Մեսսին իր կարիերայում խփած գոլերի քանակով շրջանցել է Պելեին

«Պարի Սեն Ժերմենի» հարձակվող Լիոնել Մեսսին իր կարիերայի պաշտոնական գոլերի քանակով շրջանցել է աշխարհի առաջնության եռակի չեմպիոն բրազիլացի Պելեին:

Չեմպիոնների լիգայի խմբային փուլի վեցերորդ տուրի՝ բելգիական «Կլուբ Բրյուգեի» դեմ խաղում (4:1) արգենտինացի հարձակվողը դուբլի հեղինակ է դարձել։ Սպորտի վիճակագրության հիմնադրամի տվյալներով՝ այժմ նա ​​ունի 758 գոլ: Պելեն պրոֆեսիոնալ կարիերայի ընթացքում խփել է 757 գոլ։ Լավագույն ռմբարկուների ցուցակում առաջատարն է Ավստրիայի և Չեխոսլովակիայի հարձակվող Յոզեֆ Բիկանը (805)։

Ընթացիկ 2021/22 մրցաշրջանում 34-ամյա արգենտինացին փարիզցիների կազմում բոլոր մրցաշարերում անցկացրել է 14 հանդիպում՝ դառնալով 6 գոլի և 3 գոլային փոխանցման հեղինակ։