Ռոման Բաղդասարյանն ու Ստեփան Գրիգորյանը՝ ադրբեջանցիների համար նախընտրելի «հայի տեսակը». Լուսանկարներ

Ադրբեջանական ամենահայտնի Telegram-ալիքներից մեկում՝ «Девичья башня»-ում բուռն քննարկվում է Ադրբեջանի նախագահ Իլհամ Ալիևի վերջին հայտարարությունը, որում նա վերջնագրով պահանջում էր նշել երբ է իր երկրին տրամադրելու «Զանգեզուրի միջանցք», հակառակ դեպքում Ալիևը սպառնում է Հայաստանին նոր պատերազմով:

Հասկանալի է, որ ադրբեջանցի օգտատերերը պաշտպանում են իրենց նախագահի գաղափարները, սակայն մեզ համար ավելի հետաքրքիր է, որ ադրբեջանցիներն իրենց հաղորդագրություններում հստակ խոսում են այն հայերի մասին, ովքեր, իրենց կարծիքով, «նախընտրելի են երկխոսության համար», որոնց տեսակետը «լավ կլիներ, որ տարածվեր ողջ հայկական աշխարհում»։  Խոսքը փաշինյանական բլոգեր Ռոման Բաղդասարյանի և քաղաքագետ Ստեփան Գրիգորյանի մասին է։

Հիշեցնենք, որ օրեր առաջ Բաղդասարյանը ոչ միայն հայտարարել էր, որ «ղարաբաղցի» գեներալները միտումնավոր մահվան են ուղարկել հայ զինվորներին և սպաներին», այլև հայտարարել է, որ 1915 թվականի Հայոց Ցեղասպանությունը հետևանք չէ Թուրքիայի ղեկավարության քաղաքականությունը, սակայն «դաշնակցական հայերի» գործունեության հետևանք էր։

Ինչ վերաբերում է Ստեփան Գրիգորյանին, ապա ադրբեջանցիները բարձր են գնահատում թուրքական «Անադոլու» գործակալությանը տված իր վերջին հարցազրույցը, որում Գրիգորյանը բաց տեքստով հայտարարել է, որ «Թուրքիան կարող է դառնալ Ռուսաստանի այլընտրանք տարածաշրջանում»։

«Թուրքիան հավասարակշռված և կանխատեսելի քաղաքականություն վարող երկիր է։ Հարցն այն չէ, թե արդյոք Անկարայի արտաքին քաղաքական կուրսը հաճելի է, թե ոչ։ Անկարան հետապնդում է իր շահերը և հիմնվում է դրանց վրա՝ միաժամանակ վարելով լուրջ քաղաքականություն»,- ասել էր նա։

Ու ուշագրավ է, որ Ադրբեջանում այդ հասարակական գործիչները դիտվում են որպես «հայերի նախընտրելի տեսակ», ինչը միանգամայն հասկանալի է, քանի որ նրանք իրենց հայտարարություններով մեթոդաբար հայկական տեղեկատվական դաշտ են ներմուծում ադրբեջանական և թուրքական քարոզչական թեզեր։

Zham.am