Նիկոլ Փաշիյանի վերջին հույսը 1915 թվականի հայոց Ցեղասպանությունն արդարացնող պոռնոդերասանն է

Անցած 3,5 տարիների ընթացքում մենք այնքան շատ բան ենք տեսել... Մենք «առաջին դեմքով» սկսեցինք ճանաչել Փաշինյանի զանգվածին, որը չունի աշխարհընկալում, արժեքային համակարգ և, բացի կենդանական բնազդներից, այս մարդիկ ոչնչով աչքի չեն ընկնում։ Դրա վառ օրինակն է վերջերս ասպարեզ եկած Փաշինյանի կադր, պոռնոդերասան, ոմն Ռոման Բաղդասարյանը։ Ով նախ ասաց, որ Արցախում ղարաբաղցի գեներալները գնդակահարել են 200 հայ զինվորների ու սպաների, իսկ հետո սկսեց ասել, որ 1915 թվականին հայերի դեմ իրական Ցեղասպանությունն իրականացրել են ոչ թե թուրքերը, այլ հայ դաշնակները։

Սրիկայությունում այս մարդուն կարող են նախանձել Արման Բաբաջանյանը, Ստեփան Սաֆարյանը, Արամ Զավենիչը և այլն, քանի որ 1915 թվականին թուրքերի կողմից իրականացված Ցեղասպանությունը արդարացնելը դժվար գործ է։ Մինչ այժմ հայ ժողովուրդն այս հարցում տարաձայնություններ չի ունեցել, բայց պարզվում է, որ Թուրքիային ու Ադրբեջանին հաջողվել է Հայաստանում բուծել այդպիսի մարդկանց։

Այն, որ սա ադրբեջանական ձեռագիր է, հուշում է այն, որ ադրբեջանցիները, ըստ նույն սցենարի, 1988-ի Սումգայիթի դեպքերի համար մեղադրել են ոմն Գրիգորյանին։ Իբր 1988-ին հայերը կոտորել էն հայերին, որպեսզի մեղադրեն «խեղճ ադրբեջանցիներին»։ Իսկ այսօր նույն մոդելը կրկնվում է միայն ավելի մեծ մասշտաբով։

Հայաստանում հայտնվել է «յան» ազգանունով մեկը, ով բացահայտ ասում է, որ «1915 թվականի Ցեղասպանության մեղավորը ոչ թե թուրքերն են, այլ հայ դաշնակները»։ Ավելին, Ռոմանի խոսքով, մինչև 1915 թվականը հայերը շատ լավ են ապրել Օսմանյան կայսրությունում և ջերմ հարաբերություններ են ունեցել թուրքերի հետ, սակայն հայ դաշնակցականների պատճառով հայերը ենթարկվել են Ցեղասպանության և ջարդերի։

Եթե ​​ուշադրություն դարձնեք, կնկատեք, որ այս թեզը թուրքական պաշտոնական քարոզչության կենտրոնական թեզերից մեկն է, և զարմանալի չէ, որ թուրքական քարոզչական թեզերը քարոզողը ներկայացնում են որպես մոլեռանդ փաշինյանական։ Այն, թե որքանով է այս մարդն իր այս թեզերով իրականում ներկայացնում է Փաշինյանին այլ հարց է։ Փաստն այն է, որ պաշտոնական քարոզչության վառ կրողը ներկայանում է որպես «մոլեռանդ փաշինյանական»:

Այս ամենի հետևությունները ինքներդ արեք...

Արմեն Միքայելյանի ֆեյսբուքյան էջից