ՆԱՏՕ-ի երկրները չեն պաշտպանի Ուկրաինան Ռուսաստանի Դաշնության հետ պատերազմի պարագայում. Սթոլթենբերգ

Բրյուսելում կայացած մամուլի ասուլիսում ՆԱՏՕ-ի գլխավոր քարտուղար Յենս Ստոլտենբերգն ասել է, որ եթե ռուսական ուժերը հատեն Ուկրաինայի սահմանը, Մոսկվան պետք է «վճարի» դրա համար, հայտնում է նորվեգական VG-ն։

Բայց երբ VG-ի թղտակիցը հարցրել է, թե արդյոք ՆԱՏՕ-ն պատերազմի դեպքում օգնության կգա՞ Ուկրաինային, Ստոլտենբերգը պարզաբանեց.

«Ուկրաինան ՆԱՏՕ-ի գործընկերն է, բայց ոչ Դաշինքի անդամ երկիր։ Հավաքական պաշտպանության մասին մեր հոդվածը՝ Վաշինգտոնի պայմանագրի 5-րդ հոդվածը չի տարածվում Ուկրաինայի վրա»,-ասել է Սթոլթենբերգը՝ հավելելով, որ «ՆԱՏՕ-ն և անդամ երկրները զգալի քաղաքական և ռազմական աջակցություն են ցուցաբերում Ուկրաինային»։

Սա կարելի է մեկնաբանել որպես հստակ ազդանշան Կիևի իշխանություններին, որ եթե նույնիսկ ռուսական ուժերը հատեն Ուկրաինայի սահմանը, պատերազմ սկսվի, ապա ՆԱՏՕ-ն ուղղակի ռազմական օգնություն չի ցուցաբերի ուկրաինացիներին։

«Սակայն անուղղակիորեն ռազմական ոլորտում ՆԱՏՕ-ն աջակցում է Ուկրաինային։ ՆԱՏՕ-ի շատ երկրներ օգնում են նրան զարգացնել իր ներուժը, մարզել զինվորներին և սարքավորումներ մատակարարել»,- հավելել է Սթոլթենբերգը:

Zham.am