Մխիթարյանը վախ էր սփռում մրցակցի վրա. Մոուրինյո

«Ռոմայի» գլխավոր մարզիչ Ժոզե Մոուրինյոն բարձր է գնահատել Հենրիխ Մխիթարյանի խաղը «Տորինոյի» դեմ մրցավեճում։ Հռոմեական թիմը հաղթել էր 1։0 հաշվով, թեև գնդակին տիրել էր խաղաժամանակի 32 տոկոսը։ Թեմի Աբրահամին գոլային փոխանցումը կատարել էր Մխիթարյանը։

«Մեր հարձակվողների համար բարդ էր սկզբում։ Պետք էր սպասել Մխիթարյանի և Պերեսի ճնշմանը։ Սա ուժի և կենտրոնացման թիմային հաղթանակ է։ Դիավարան ապահովում էր բալանսը, Մխիթարյանը վախ էր սփռում մրցակցի վրա։ Պերեսն իր դիրքում չէր, բայց լավ խաղաց։ Շատ գոհ եմ։ Մխիթարյանը Պերեսի հետ փոխվում էր եզրերով։ Կարևոր էր պաշտպանվել առանց սխալվելու։ Սա թիմային հաղթանակ է Դիավարայի հետ, որը երբեք չէր խաղացել, Պերեսի հետ, որը քիչ է խաղում Մխիթարյանի հետ, որին «սպանում» էին թերթերը։ Սա բոլոր տղաների հաղթանակն է»,- ասել է Մոուրինյոն:

Հիշեցնենք, որ Հենրիխ Մխիթարյանը ճանաչվել է «Ռոմա»-«Տորինո» հանդիպման լավագույն խաղացող՝ Whoscored.com-ի վարկածով։ Նա ստացել է ամենաբարձր գնահատականը՝ 8․0 միավոր։ Երկրորդն է Աբրահամը՝ 7․5 միավոր։