Վազգեն Մանուկյանին մեղադրանք առաջադրելով՝ Փաշինյանը ապացուցեց, որ իր հանդեպ նախկին իշխանությունները 2008 մարտի 1-ի գործով ներողամիտ գտնվեցին

Եվ այսպես, այսօր Վազգեն Մանուկյանի գործով դատական ​​նիստն էր։ Նախկին վարչապետը մեղադրվում է իբրև բռնության կոչեր անելու մեջ, որոնք իբրև ուղղված են եղել սահմանադրական կարգը տապալելուն։ Կա նաև հստակ հոդված, և Մանուկյանին մեղադրանք է առաջադրվել ՀՀ քրեական օրենսգրքի 301-րդ հոդվածով՝ «Իշխանությունը զավթելու, տարածքային ամբողջականությունը խախտելու կամ սահմանադրական կարգը բռնի տապալելուն ուղղված հրապարակային կոչերը»։

Հիմա հիշենք, թե ինչ լոզուններով է հանդես գալիս այսօրվա դատախազի շեֆը 2008-ին: 13 տարի առաջ Փաշինյանը պարզապես բռնի իշխանափոխության կոչեր չէր անում. նա անմիջական մասնակցություն ունեցավ բռնության մեջ։

Ավելին, Նիկոլ Փաշինյանին հեշտությամբ կարելի է դատել 301 հոդվածով՝ Հայաստանի տարածքային ամբողջականությունը խախտելու մեղադրանքով։ Սակայն, ինչպես պարզվեց, Հայաստանի տարածքային ամբողջականությունը խախտողը ոչ թե Նիկոլ Փաշիյաննան էր, այլ ... Վազգեն Մանուկյանը։

Հայաստանի դատախազությունը հայտնվեց խղճուկ վիճակում, քանի որ այսօր իրենց ստիպել են «սևին սպիտակ», «սպիտակին սև» անվանել։ Մի կողմ թողնենք, այն փաստը, որ Նիկոլի իշխանությունները մեղադրանք են առաջադրում Վազգեն Մանուկյանին, արդեն իսկ ամոթալի է, այն էլ բռնի իշխանափոխության կոչերի, կամ տարածքային ամբողջականությունը խախտելու համար։

Ամբողջ հայության համար ակնհայտ է, թե ում համար են ստեղծվաց այդ հոդվածները, բայց պարզվում է, որ Հայաստանը կարող է նույնիսկ նման ժամանակներով անցնել։ Ժամանակներ, երբ Հայաստանի տարածքը հանձնած անձը նույն հոդվածով մեղադրում է իր հակառակորդին:

Շատ մոտ են այն  ժամանակին, երբ Փաշինյանն այլեւս իշխանություն չի լինելու, ու այդ ժամանակ հարց է առաջանալու՝ ի՞նչ են անելու այդ պագոնավորները, ովքեր աշխատում են ՀՀ դատախազությունում ու կատարում նրա հրամանները։ Ի վերջո, երբ նրանց մեղադրանք առաջադրվի, նրանք այդ մեղադրանքները բողոքարկելու ոչ միայն իրավական, այլեւ բարոյական հիմքեր չեն ունենա։

Նրանք, ովքեր չեն հասկանում այս ճշմարտությունը, վաղը կհայտնվեն դժվարին իրավիճակում սեփական խելքի պատճառով, էլ չեմ խոսում այն ​​մասին, թե այսօր Հայաստանում ինչքան են վարկաբեկված պագոնավոր մարդիկ:

Սա՛ է իրականությունը:

Դավիթ Մկրտչյան