Ժամը 08։41 րոպեի դրությամբ մետրոյի «Երիտասարդական» կայարանի երթեւեկությունը վերականգնվել է

Երեւանի մետրոպոլիտենի «Երիտասարդական» կայարանի աշխատանքները վերականգնվել են 8։ 41 րոպեից։ Այս մասին NEWS.am-ի հետ զրույցում ասաց մետրոպոլիտենի մամուլի խոսնակ Տաթեւ Խաչատրյանը։

«Ցուցարարները կանգնել էին «Երիտասարդական» կայարանի առաջին գծում գտնվող գնացքի դռների մեջտեղում եւ խոչընդոտում էին գնացքի բնականոն երթեւեկությանը։ Ակցիան տեւել է մոտ 8 րոպե, 8։41 րոպեի դրությամբ «Երիտասարդական» կայարանի երթեւեկությունը վերականգնվել է ամբողջ գծում»,– ասաց Տաթեւ Խաչատրյանը։ Նշենք, որ «Ազատագրական շարժում» նախաձեռնության անդամներն այսօր՝ նոյեմբերի 24-ի առավոտյան կաթվածահար էին արել «Երիտասարդական» կայարանի աշխատանքները։ Նրանք մետրոյում ներկայացնում էին իրենց պահանջները եւ հայտարարում, որ նահանջ չի լինելու։ «Ապաքաղաքական բողոքի ակցիա է։ Բողոքի ակցիան նաեւ ձեր երեխաների անվտանգության համար է, զինվորին պետք է զինեն, առաջնագիծը պետք է պաշտպանել։ 18։30-ին բոլորով միասնական հավաքվենք Հանրապետության հրապարակում, ամեն օր պետք է պայքարենք, նահանջ չի լինելու»,-ասում էին բողոքի ակցիայի մասնակիցները։