Դառնությունը շաքարով կտրող կնոջ առաքելությունը
Դառնությունը շաքարով կտրողի առաքելությունը
Ցանկացած բանական մարդու մոտ կարող է տրամաբանական հարց առաջանալ, թե երիտասարդ միայանակ կինն ինչպես է կարողացել կարճ ժամանակահատվածում տնօրինել այնչափ միլիոնավոր դոլարներ, որ կարողացել է աջ ու ձախ նախագահներ, նախարարներ ու մարզպետներ «կաշառել»։
Տարիներ շարունակ պետական եկամուտների կոմիտեն հրապարակում է 1000 խոշոր հարկ վճարող կազմակերպությունների ցանկերը։ Սիլվա Համբարձումյանի ղեկավարած որևէ ընկերության անուն դեռևս չի հիշատակվել այդ ընկերությունների ցանկերը հրապարակելիս։ Հանրությանը երբևէ լսելի չեն եղել նրա ղեկավարած ընկերությունների անունները, խորհրդանիշները, գրասենյակի գտնվելու վայրը և այլն: Փոխարենը, արդեն երեք տարի է նրա անունը շրջանառվում է միայն խոշոր «կաշառք» վճարողների ցանկում, որտեղ իրենից բացի երկրորդ մարդուն դժվար է գտնել։ Հետաքրքիր է նաև, թե նախկին նախագահներն ինչո՞ւ են միայն Սիլվա Համբարձումյանից կաշառք վերցրել և ուրիշ ոչ մեկից, քանզի բնության մեջ դեռևս չի գտնվել երկրորդ մարդը, որ ասի, թե ինքը Ռոբերտ Քոչարյանին կամ Սերժ Սարգսյանին կաշառք է տվել։
Եթե մեկը մի պաշտոնյայի մի քանի միլիոն դոլար կաշառք է տալիս, նշանակում է ինքն ավելի շատ փող ունի, քանի կաշառք տված գումարը։ Փաստորեն, մեր իրավապահները Սիլվա Համբարձումյանի երազների հիման վրա քրեական գործեր են հարուցում և փորձում հավատալ այդ երազներին։ Ստացվում է, որ մեր իրավապահներին իշխանությունները դրել են այնպիսի ստորացուցիչ իրավիճակում, որ ստիպված են գիտական մեծ աշխատանք կատարել՝ երազահանը Քրեական օրենսգրքի հետ համադրելու համար։
Փաստ է միայն այն, որ «Շաքարի Սիլվան» շտապում է քաղցրացնել Նիկոլ Փաշինյանի կյանքը՝ նրա համար հատկապես դառը օրերին՝ հանրային ուշադրությունը շեղելու առաքելությամբ։
Էդգար Ղազարյանի Ֆեյսբուքյան էջից
Հետևեք մեզ Facebook-ում