Սաակաշվիլին համաձայնել է դադարեցնել հացադուլը. Տեսանյութ
Վրաստանի նախկին նախագահ Միխեիլ Սաակաշվիլին համաձայնել է դադարեցնել հացադուլը Գորիի զինվորական հոսպիտալ ժամանելուց հետո: Այս մասին հայտարարել է փաստաբան Նիկա Գվարամիան, հայտնում է «Ռուսթավի-2»- ը ։
Նրա խոսքով՝ ուրբաթ երեկոյան Սաակաշվիլիին կտեղափոխեն հոսպիտալ, սակայն անվտանգության միջոցառումների պատճառով հստակ ժամանակ չի նշվում։ «Սաակաշվիլիի որոշումը հետևյալն է. նա համաձայնել է տեղափոխվել հիվանդանոց և դադարեցնել հացադուլը հիվանդանոցում։
Այդ հիվանդանոցը մեզ հայտնի չէ, այն կառուցվել է Սաակաշվիլիի կողմից և հագեցած է նորագույն տեխնոլոգիաներով», – ասել է Գվարամիան։ Նախկինում Սաակաշվիլին հայտարարել էր, որ կդադարեցնի հացադուլը, եթե իշխանությունները համաձայնեն նրան տեղափոխել քաղաքացիական հիվանդանոց։
Միաժամանակ, ավելի վաղ լրատվամիջոցներում հրապարակվել էին կադրեր, որոնք ապացուցում էին, որ «հացադուլի» օրերին Սաակաշվիլին անընդհատ սնվել է։
Zham.am
Հետևեք մեզ Facebook-ում