Հայաստանի դեմ վաղուց պետք է պատժամիջոցներ կիրառվեին. Իլհամ Ալիև (լուսանկարներ)

Հունիսի 23-ին Ադրբեջանի նախագահ Իլհամ Ալիևն այցելել է Շիրվան քաղաքում Ադրբեջանի ռազմարդյունաբերության նախարարության «Շարղ» գիտահետազոտական ընկերության՝ նռնականետների զինամթերքի արտադրության գործարաններ, որտեղ հանդես է եկել ելույթով: Այս մասին հաղորդում են ադրբեջանական ԶԼՄ-ը:

Ադրբեջանի նախագահը, մասնավորապես, հայտարարել է, որ Հայաստանի դեմ պետք է պատժամիջոցներ կիրառվեն. «Ցավոք, Հայաստանի դեմ ոչ մի լուրջ միջոցառում չի ձեռնարկվում: Հայաստանի դեմ պետք է վաղուց միջազգային պատժամիջոցներ կիրառվեին», - ասաց նա:

«Մեր բանակի մարտունակությունը և հայրենասիրական ոգին գտնվում է բարձր մակարդակի վրա: Դրա ակնառու օրինակը՝ իրավիճակն է շփման գծում: Այսօր մենք տիրապետում ենք բացարձակ առավելության զորքերի շփման գծում: Մենք հասել ու ավելացնում ենք այդ առավելությունը», - ասաց Ալիևը:

Իլհամ Ալիևը հիշատակել է նաև ապրիլյան քառօրյա պատերազմը, նշելով, որ պատերազմի արդյունքում հիմա Ջեբրաիլի շրջանի Ջոջուգ Մարջանլի գյուղը վերաբնակեցվում է (ադրբեջանցիների կողմից - խմբ.) և որ այդ տարածքում ծածանվում է ադրբեջանական դրոշը:

Ալիևի խոսքերից ելնելով, այդ տարածքի բնակեցման համար ուղղվել են լրացուցիչ միջոցներ:

Zham.am