Ադրբեջանը օկուպացրել է Հայաստանի շուրջ 41 քկմ ինքնիշխան տարածք․ Փաշինյան. Տեսանյութ
Ադրբեջանն օկուպացրել է Հյաստանի շուրջ 41 քառակուսի կիլոմետր ինքնիշխան տարածք, Անվտանգության խորհրդի արտահերթ նիստում հայտարարեց վարչապետ Նիկոլ Փաշինյանը:
«Միջազգային մեր գործընկերների լռության պայմաններում Ադրբեջանը շարունակում է իր ագրեսիվ գործողությունները: Իմ գնահատականը միանշանակ է՝ Ադրբեջանն ու նրան քաջալերող ուժերը թիրախավորում են մեր ինքիշխանությունը, մեր պետականությունը, մեր անկախությունը: Այո, այսօր մենք ծանր օր ենք ուենցել, ծանր ժամանակներ ենք ապրում, բայց այսօր նաև ցույց ենք տվել, որ մենք այստեղ ենք, մենք կանք, մենք պետություն ենք, մենք պետական ազգ ենք ու պարտադրանքի լեզուն մեզ համար անընդունելի է», - ասաց նա:
Նիկոլ Փաշինյանն ընդգծեց՝ Հայաստանը կարող է բանակցել, փնտրել ու գտնել փոխընդունելի լուծումներ:
«Մենք թույլ չենք տա մեզ հետ խոսել անբարտավանության լեզվով», - ասաց նա:
Նիկոլ Փաշինյանը նաև հայտարարեց, որ հակառակորդի կենդանի ուժին հասցվել է էական վնաս, ոչնչացվել է առնվազն վեց միավոր զրահատեխնիկա:
«Մեր կողմից կան զոհեր, որոնց վերաբերյալ կհայտնվեն ճշգրտված տեղեկություններ», - ասաց Փաշինյանը՝ խնդրելով մեկ րոպե լռությամբ հարգել զոհվածների հիաշատակը:
Հետևեք մեզ Facebook-ում