Որքա՞ն են վճարում կոմունալների համար Վրաստանում, Հայաստանում և Ադրբեջանում

«Sputnik Georgia»-ն համեմատել է, թե՛ որքան են վճարում կոմունալների համար Հայաստանում, Վրաստանում և Ադրբեջանում։ 

Թբիլիսիի բնակիչների համար մինչև 101 կՎտ/ժ սպառման համար էլեկտրաէներգիայի 1 կՎտ/ժ սակագինը կազմում է 0,057 դոլար, 101-ից մինչև 301 կՎտժ՝ 0,07 դոլար, իսկ 301-ից ավելին՝ 0,084 դոլար: Ինչ վերաբերում է ջրամատակարարմանը, ապա Թբիլիսիի բնակիչները, ովքեր ունեն հաշվիչներ, ջրի մեկ խորանարդ մետրի համար վճարում են 0,30 դոլար։ Մնացածը ջրի համար վճարում են կախված բնակության վայրում գրանցված մարդկանց թվից։ Նման բաժանորդների համար ամսական դրույքաչափը կազմում է 1,43 դոլար մեկ անձի համար: Սակայն մեկ խորանարդ մետր գազի համար Թբիլիսիի բնակիչները վճարում են 0,17 դոլար։

Երևանում գործում են էլեկտրաէներգիայի ցերեկային և գիշերային սակագներ։ Ցերեկայինի դրույքաչափը` ավելի քան 0,08 դոլար մեկ կՎտ/ժ-ի համար, գիշերը` 0,06 դոլար մեկ կՎտ/ժ-ի համար: Հայաստանի մայրաքաղաքի բնակիչները գազի մեկ խորանարդ մետրի համար վճարում են մոտ 0,30 դոլար, իսկ մեկ խորանարդ մետր ջրի համար՝ մոտ 0,37 դոլար։

Նոյեմբերի 1-ից Բաքվում էլեկտրաէներգիայի սակագինը բարձրացել է բաժանորդների համար՝ մինչև 200 կՎտ/ժ՝ 0,05 դոլար/կՎտժ, 200-ից մինչև 300 կՎտ/ժ՝ 0,053 դոլար կՎտ/ժ, 300 կՎտ/ժ-ից ավելի՝ 0,076 դոլար կՎտ/ժ։ Նոյեմբերի 1-ից բարձրացել են նաև գազի սակագինը. տարեկան սպառման սահմանաչափը կազմում է 1200 խմ՝ 0,071% մեկ խորանարդ մետրի համար։ 1200-ից մինչև 2500 խմ՝ 0,12 դոլար մեկ խորանարդ մետրի համար։ 2500 խմ-ից ավելի՝ 0,15% մեկ խորանարդ մետրի համար: Ջրամատակարարումը Բաքվի բնակիչների համար մեկ խորանարդ մետրի համար արժե 0,40 դոլար։

Zham.am