Դիլիջանի «արու» համայնքապետը խախտելով օրենքը՝ չի պատասխանել տեղեկատվական հարցումին

Հոկտեմբերի 28-ին «Տեղեկատվության ազատության մասին» օրենքի համաձայն Դիլիջան համայնքի ղեկավարի պաշտոնակատար, իր սեռը «արու» գրած Դավիթ Սարգսյանին հարցում եմ ուղարկել, սակայն նա խախտելով օրենքը դեռ չի պատասխանել իմ հարցերին։ Ժամանակ կգա, նա օրենքով պատասխան կտա, այն ժամանակ կերեւա, թե ինչքանով է արու Սիփան Փաշինյանի միջնորդությամբ, Նիկոլ Փաշինյանի որոշմամբ համայնքի ղեկավարի աթոռին բազմած, քոլեջ ավարտած, այժմ հեռակա սովորող Դավիթ Սարգսյանը։Ահավասիկ մեր հարցերը։

 

1․ 2021թ․ հոկտեմբերի 17-ին կայացած Դիլիջան համայնքի ավագանու ընտրությունների քարոզարշավի ժամանակ դուք չեք գտնվել արձակուրդի մեջ, աշխատանքային ժամերին մասնակցել եք նախընտրական հանդիպումների, բնակչությանը տվել եք իրենց կենցաղային հարցերը լուծելու խոստումներ, նախընտրական քարոզչության ընթացքում օգտագործել եք համայնքապետարանի ծառայողական ավտոմեքենան։ Դրանք գործող օրենսդրության խախտումներ չե՞ն։

 

2․ Ներկայումս դուք Եվրոպական համասարանի ո՞ր կուրսում եք սովորում

 

3․ 2020թ․ աշնանը Արցախում տեղի ունեցած պատերազմում Դիլիջան խոշոր համայնքի քանի՞ բնակիչ է զոհվել, քանի՞սը՝ անհետ կորել, համայնքի բնակիչներից քանի՞սն է գերի։

4. Դիլիջան քաղաքի բանուկ մասերում եւ Դիլիջան-Իջեւան ավտոճանապարհին հաճախ թափառում են կովերի նախիրներ, ձիերի երամակներ։ Որպես համայնքի ղեկավար դուք ի՞նչ միջոցներ եք ձեռնարկել այդ երեւույթի դեմ։

 

5․ Հաղարծին գյուղի հարավային ծայրին, հողի սողանքի հետեւանքով փակված ավտոճանապարհի մուտքին գործում է առանց շինարարական թույլտվության կառուցված ավտոլվացման կետ։ Ո՞ւմ է պատկանում այն, եւ դուք որպես համայնքի ղեկավար, ի՞նչ միջոցներ եք ձեռնարկել անօրինական կառուցված ավտոլվացման կետի գործունեությունը դադարեցնելու համար։