Արծրուն Հովհաննիսյանը չգիտեր՝ ինչպես է բացվում ՄԻԱՎ հապավումը. Տեսանյութ

Մեկ տարի առաջ 44 օր շարունակ «հաղթելու ենք» կեղծ թեզով հանրությանը խաբած ու մոլորեցրած Արծրուն Հովհաննիսյանն այսօր նշանակվել է ԱԺ պաշտպանության և անվտանգության հարցերի հանձնաժողովում փորձագետ։ Հանձնաժողովի նախագահ Քոչարյան Անդրանիկը Արծրունի մասին ճոռոմ խոսքեր ասաց, թե նա կյանքի փորձ և գիտելիքներ ունեցող մարդ է, ով իր այդ գիտելիքները կծառայեցնի «մեր երկրի կարիքների համար»։

Մենք հիշեցինք, որ «մեծն փորձագետ» Արծրուն Հովհաննիսյանը տարիներ առաջ որոշել էր իր գիտելիքները փորձել «Ով է ուզում դառնալ միլիոնատեր» խաղին։ Եվ առաջին իսկ փորձից ձախողել է՝ չպատասխանելով հաղորդավարի հնչեցրած ընտրական հարցին։ 

Իսկ հարցը շատ պարզ էր՝ պետք էր ընդամենը ճիշտ հերթականությամբ դասավորել ՄԻԱՎ հապավման բառերը։ Եվ անգամ եթե հապավումը չգիտես՝ ինչպես է բացվում, բառերի առաջին տառերով կարելի էր շատ արագ գլխի ընկնել, որ դա Մարդու իմունային անբավարարության վիրուսն է։ Եվ այս պարզ հարցին ութ մասնակցից երեքը տվել էին սխալ պատասխան։ Այդ երեքից մեկը հենց Արծրուն Հովհաննիսյանն էր, որն այսօր ներկայացվում է որպես ռազմական անսպառ գիտելիքների շտեմարան, չնայած որ հանրության մեջ ավելի շատ ընկալվում է որպես ստի, կեղծիքի ու մանիպուլյացիայի առաջամարտիկ։

Ի դեպ, տվյալ օրվա խաղին «մեծն փորձագետ» Արծրունի հետ միասին մասնակցում էր նաև «մեծն իրավապաշտպան» և մերօրյա սահմանադրա-իրավական բարեփոխումների «կնքահայր» Դանիել Իոաննիսյանը։ Ի պատիվ իրեն, սակայն, Դանիելը գոնե ճիշտ էր պատասխանել այդ պարզունակ հարցին։

Hraparak.am