«Ներկայիս Փաշինյանը» փորձում է խմբագրել «հին Փաշիյանի» սխալները, որոնք հանգեցրել են աղետալի հետևանքների. Տեսանյութ

Փաշինյանի երեկվա հարցազրույցը Պետրոս Ղազարյանի հետ մի փոքր տարբերվում էր նրա նախկին հարցազրույցներից: Տարիների ընթացքում Փաշինյանը վերջապես սովորեց, թե ինչպես պատասխանել հարցերին ավելի հանգիստ, առանց ավելորդ ու սրտաճմլիկ զեղումների։

Նոյեմբերի 7-ին տված հարցազրույցում Փաշինյանը զգացմունքային ու էքսցենտրիկ դրսեւորումներ չի ունեցել, տպավորություն է ստեղծվել, որ Նիկոլին 180 աստիճանով փոխել են, այնքան, որ դավադրության տեսությունների կողմնակիցները կարող են ասել, որ նոյեմբերի 7-ին հարցազրույցը ոչ թե Փաշիյանն է տվել, այլ նրա երկվորյակը, կամ կենդանի մանեկենը, քանի որ «3+3» ձևաչափի և ԵԱՀԿ Մինսկի խմբի շրջանակներում բանակցությունների մասին նրա պատասխանները ադեկվատության սահմաններում էին։

Անկասկած, Նիկոլի կողմնակիցները կարող են ուրախանալ, որ իրենց առաջնորդը վերջապես կարողացավ քիչ թե շատ ադեկվատ ելույթ ունենալ, բայց այս ամենից բացի, և անկախ ամեն ինչից, «երեկվա Փաշինյանը» չի կարող փախչել Հայաստանը 3-3.5 տարի ղեկավարած Փաշինյանի արածների պատասխանատվությունից:

Չի կարող, քանի որ «այդ Փաշինյանի» իշխանության օրոք հայ ժողովուրդը կորցրել է ավելի քան 10 հազար քառակուսի կիլոմետր տարածք, Արցախի պետականությունը, Փաշինյանի էքսցենտրիկ գործողությունների և պահվածքի պատճառով մարտի դաշտում զոհվեց շուրջ 4000 երիտասարդ։ Եվ այս առումով, եթե նույնիսկ Նիկոլը փոխվել է, միեւնույն է, «փոխված Փաշինյանը» պատասխանատու է «հին Փաշինյանի» համար, քանի որ «հին Փաշինյանի» գործողությունները հայ ժողովրդին տարել են ողբերգության։

Սա՛ է իրականությունը:

Դավիթ Մկրտչյան