3+3 ֆորմատը չպետք է իր օրակարգում ունենա այնպիսի հարցեր, որոնք համաձայնեցված քննարկում ենք այլ ֆորմատներում. Փաշինյան

«3+3 ձևաչափի մասին Հայաստանն օրեր առաջ դիրքորոշում հայտնել է: Այն հետևյալն է՝ կառավարության ծրագրում տարածաշրջանային համագործակցությունն ընդգծված է որպես կարևոր դրույթ: 3+3 հնարավոր ֆորմատը չպետք է իր օրակարգում ունենա այնպիսի հարցեր, որոնք մենք արդեն համաձայնեցված քննարկում ենք այլ ֆորմատներում»,- հավաստիացրեց վարչապետը՝ «Առաջին ալիքի»- եթերում հարցազրույց տալով Պետրոս Ղազարյանին:

Նիկոլ Փաշինյանը հերքեց Էրդողանի հայտարարությունը, ըստ որի իր եւ Ալիեւի միջեւ հանդիպում է եղել եւ իրենք քննարկել են այս խնդիրները. «Ոչ, իհարկե, չի եղել. Այս ընթացքում շատ դիվանագիտական առաքելություններ ենք ընդունում, հայտնի շփումներ են տեղի ունենում ՀՀ եւ Ադրբեջանի պաշտոնյաների միջեւ: Մասնավորապես, Նյու Յոևրքում մեր ԱԳ նախարարները հանդիպեցին, եռակողմ աշխատանքային խումբ կա, դիվանագիտական օտարերկրյա առաքելություններ են ժամանում Երեւան եւ Բաքու: Բնականաբար, ուղերձներ են տանում, բերում եւ բնականաբար, խոսակցություն, որպես այդպիսին միջնորդավորված տեղի է ունենում: Այստեղ ոչ մի անակնկալ չկա»:

Zham.am