«Էլի եմ մնալու ընդդիմադիր». Իշխան Զաքարյանը դուրս է եկել «Պատիվ ունեմ» խմբակցությունից. Տեսանյութ

168․am-ի տեղեկություններով, ԱԺ «Պատիվ ունեմ» խմբակցության պատգամավոր Իշխան Զաքարյանը դուրս է եկել խմբակցությունից։

168.am-ի տեղեկություններով` նա մանդատը վայր չի դնելու և մնալու է որպես անկախ պատգամավոր։

***

Իշխան Զաքարյանն այսօր ամեն գնով փորձում էր չմեկնաբանել մամուլի այն տեղեկությունները, թե ինքը «Պատիվ ունեմ» խմբակցությունից դուրս գալու դիմում է գրել:

«Երկուշաբթի կխոսենք»,-ասաց նա ու հեռացավ: Բայց մենք նրանից կարողացանք, այդուհանդերձ, ստանալ պատասխան, որ ոչ հերքում է, ոչ հաստատում:

Hraparak.am-ի դիտարկմանը, թե ինքն ընդդիմադիր պատգամավոր է համարվում, ինչո՞ւ է ուզում դուրս գալ ընդդիմադիր խմբակցությունից, Զաքարյանն ասաց. «Էլի եմ մնալու ընդդիմադիր»:

Հարցրինք` նույնիսկ դուրս գալուց հետո՞, Զաքարյանն ասաց. «Այո»: