Իսրայելի դեսպանատունը պարզաբանել է Էրդողան-Բայդեն հանդիպմանն առնչվող հրապարակումը

Թուրքիայում Իսրայելի դեսպանությունը հայտնել է, որ Instagram-ում դեսպանատան պաշտոնական էջը հաքերային հարձակման է ենթարկվել և F-35-երի խնդրին առնչվող աղմկահարույց հարապարկումը որևէ կապ չունի իրենց հետ։

Իսրայելի դեսպանատան ինստագրամյան հաշվում լուսանկար էր հրապարակվել Մեծ քսանյակի (G-20) գագաթնաժողովի շրջանակում կայացած Էրդողան-Բայդեն հանդիպումից։ Լուսանկարը, որի անկյունում արհեստականորեն փակցված է եղել iPhone 13 Pro-ի նկար, պարունակել է հետևյալ գրությունը․ «Արտգործնախարարությունը F-35-երի փոխարեն, iPhone 13 Pro-ի համար է ճնշում բանեցնում»։

Հրապարակումը որոշ ժամանակ անց հեռացվել էր էջից, ինչից հետո Իսրայելի դեսպանությունը հայտարարություն է տարածել՝ ափսոսանք հայտնելով այդ ոչ պատշաճ հրապարակման հետևանքով առաջացած անհարմարության և շփոթության համար:

Աղբյուր` Ermenihaber.am