Նորածին հնգյակից երկու փոքրիկները քաշ են հավաքել

Նորածին հնգյակից երկու փոքրիկները, որոնք դեռևս գտնվում են հիվանդանոցում, իրենց լավ են զգում: Նրանք բավական քաշ են հավաքել և կերակրվում են առանց զոնդի՝ կաթի շշով: ՀՀ գլխավոր նեոնատոլոգ Պավել Մազմանյանը «Մոր և մանկան առողջության պահպանման գիտահետազոտական կենտրոնում» գտնվող աղջկա մասին «Հայկական ժամանակ»-ին ասել է, որ նա լավ վիճակում է: Արդեն ունի 1 կգ 500 գրամ քաշ, այն դեպքում, երբ ծնվելուց հետո 800 գրամ է կշռել:

Բայց թե երբ երեխան դուրս կգրվի, առայժմ չի նշում: «Վիճակը կայուն է, դրական դինամիկա կա»,- «Սուրբ Աստվածամայր» բժշկական կենտրոնում գտնվող փոքրիկի մասին թերթի հետ զրույցում ասել է կենտրոնի տնօրեն Նոկոլայ Դալլաքյանը: Նա ևս դժվարացել է նշել, թե փոքրիկ աղջնակին, որի քաշը նույնպես մի քանի հարյուր գրամով ավելացել է, երբ դուրս կգրեն:

Նյութն ամբողջությամբ կարդացեք «Հայկական ժամանակ» թերթի այսօրվա համարում:

Լուսանկարը՝ Azatutyun.am-ի: