Նազելի Բաղդասարյանը պատգամավորական մանդատից հրաժարվելու դիմում է ներկայացրել. նա կզբաղեցնի՞ Շիրակի մարզպետի պաշտոնը

«Ազգային ժողովի կանոնակարգ» սահմանադրական օրենքի 155-րդ հոդվածի 2-րդ մասի համաձայն` եթե հրաժարականի հրապարակումից հետո՝ մեկ շաբաթվա ընթացքում, պատգամավորը գրավոր դիմումով հետ է վերցնում հրաժարականի մասին իր դիմումը, ապա Ազգային ժողովի նախագահն այդ մասին հանդես է գալիս հայտարարությամբ, եթե հետ չի վերցնում հրաժարականի մասին իր դիմումը, ապա նրա լիազորությունների դադարման մասին կազմվում է արձանագրություն, որը ստորագրում եւ հրապարակում է Ազգային ժողովի նախագահը: Արձանագրության հրապարակման պահից հրաժարականը համարվում է ընդունված:

Հավելենք, որ Irakanum.am-ը հայտնում է, Շիրակի մարզպետ Հովհաննես Հարությունյանը պաշտոնանկ կարվի։ 

Կայքը տեղեկացնոէմ է, որ որոշումն արդեն իսկ կայացված է և մարզպետի փոփոխությունը տեղի կունենա հաջորդ շաբաթվա սկիզբ։ Միաժամանակ տեղեկությունների համաձայն Հովհաննես Հարությունյանը, ով մինչ Շիրակի մարզպետ նշանակվելը Առողջապահության փոխնախարարն էր վերադառնալու է առողջապահական ոլորտ։

Ըստ Irakanum.am-ի հենց Նազելի Բաղդասարյանը կնշանակվի Շիրակի մարզպետ, փոխարինելով Հովհաննես Հարությունյանին։