Հերթական կանգառը՝ Արտաշատ. «Հայաստան» դաշինքը շարունակում է մարզային այցերը

Հայաստան» դաշինքի պատգամավորների մարզային հանդիպումների հերթական կանգառը մարզկենտրոն Արտաշատ քաղաքն էր, որտեղ «Հայաստան» խմբակցության ղեկավար Սեյրան Օհանյանը պատգամավորներ Լիլիթ Գալստյանի, Հռիփսիմե Ստամբուլյանի, Զեմֆիրա Միրզոևայի և Թադևոս Ավետիսյանի հետ հանդիպել է Արարատի մարզի քաղաքացիների հետ:

Սեյրան Օհանյանը խոսել է իշխանությունների վարած քաղաքականության հետևանքով առաջացած բազմաթիվ մարտահրավերների մասին: Պատգամավորները մատնանշել են  երկրին սպառնացող վտանգները՝ այդ առիթով ներկայացնելով իրենց մտահոգությունները:

Հանդիպմանը ներկա քաղաքացիները կարևորել են Դաշինքի՝ ինչպես Խորհրդարանում, այնպես էլ նրանից դուրս ծրագրվող գործողությունները, որոնց միջոցով հնարավոր կլինի չեզոքացնել կամ նվազագույնի հասցնել երկրին, պետականությանն ու Արցախին սպառնացող վտանգները: