«Հըզբոլլահի» նախկին գլխավոր քարտուղար. «Իրանն աջակցում է Հայաստանին Թուրքիային զսպելու հարմար»

«Թեհրանն աջակցում է Հայաստանի Հանրապետությանը Թուրքիային զսպելու հարցում»: Այս մասին թուրքական Anadolu (AA) գործակալությանը հայտնել է լիբանանցի հայտնի շիա աստվածաբան, «Հըզբոլլահ» շարժման առաջին գլխավոր քարտուղար Շեյխ Սուբհի Թուֆայլին։

«Այդ ժամանակ (1990-ականների սկզբին-խմբ.) ես զրույց ունեցա Իրանի արտգործնախարար Վելայաթիի հետ, և զրույցի ժամանակ բացահայտ հարցրի Հայաստանին սատարելու մասին. Ի պատասխան՝ իրանցի նախարարն ասել է. «Հայաստանը խոչընդոտ է Թուրքիայի ճանապարհին դեպի Ադրբեջան, Թուրքմենստան և այլ թյուրքալեզու երկրներ, որոնք անկախություն են ձեռք բերել ԽՍՀՄ փլուզման ֆոնին։ Մենք կաջակցենք և կնպաստենք Երևանի հզորացմանը, որպեսզի այն փակի Անկարայի ճանապարհը»,- ասաց աստվածաբանը։

Թուֆայլին նշել է, որ 90-ականների սկզբին իրանական լրատվամիջոցները նույնպես աջակցել են Հայաստանի կողմից «ադրբեջանական հողերի օկուպացմանը»։

Նա չբացառեց, որ Իրանը ռազմական և նյութատեխնիկական աջակցություն է ցուցաբերել Հայաստանին «ադրբեջանական հողերի օկուպացման հարցում»։

Zham.am