Բժիշկները խորհուրդ են տալիս հոսպիտալացնել Սաակաշվիլիին

Վրացի բժիշկների կոնսիլիումը խորհուրդ տվեց հոսպիտալացնել Վրաստանի ձերբակալված նախկին նախագահ Միխեիլ Սաակաշվիլիին, ով գտնվում է Ռուսթավիի բանտում: Այս մասին հայտնում է «Грузия Online»-ը։

Այս առաջարկության մասին լրագրողներին ասաց բժշկական խորհրդի անդամներից մեկը՝ Զուրաբ Պագավան: Նրա խոսքով, բժիշկները խորհուրդ են տալիս Սաակաշվիլիին ինտենսիվ վերահսկողության համար տեղափոխել կլինիկա։ 

Ձերբակալությունից հետո Սաակաշվիլին հացադուլ սկսեց, որից հետո նրա առողջական վիճակը վատթարացավ:

Սաակաշվիլին Վրաստան է ժամանել սեպտեմբերի 29-ին՝ 8 տարի արտերկրում ապրելուց հետո։ Հոկտեմբերի 1-ին նրան ձերբակալել են Թբիլիսիում։ Վրաստանում նա մեղադրվում է մի քանի քրեական գործով, որոնցից երկուսով նախկին նախագահին ազատազրկելու վճիռ է կայացվել։

Zham.am