Էրդողանը մոլարակի քաղաքական վերաձևավորում է ուզում. «Աշխարհի ճակատագիրը չպետք է թողնել Երկրորդ համաշխարհային պատերազմի հաղթողների ողորմածությանը»

Մարդկության ճակատագիրը չպետք է թողնել «մի բուռ երկրների»՝ Երկրորդ համաշխարհային պատերազմի հաղթողների ողորմածությանը, հայտարարել է Թուրքիայի նախագահ Թայիփ Էրդողանը:

Ավելի վաղ Էրդողանը հայտnել էր ճանապարհային քարտեզի մասին՝ կոչված ՄԱԿ-ի Անվտանգության խորհրդի մշտական ​​անդամներին «անկյուն գցելուն»` այդ միջազգային կազմակերպության մյուս անդամների իրավունքներն ընդլայնելու համար:

«Մարդկության ճակատագիրը չի կարող և չպետք է թողնել Երկրորդ Համաշխարհային պատերազմում հաղթած մի բուռ երկրների ողորմածությանը: Անհնար է, որ համաշխարհային անվտանգության ճարտարապետությունը նույնը մնա, երբ աշխարհը փոխվում է, արմատական վերափոխման են ենթարկվում, դիվանագիտությունը, առևտուրը և միջազգային հարաբերությունները»,-ասել է Էրդողանը՝ ելույթ ունենալով Անգոլայի խորհրդարանում այդ երկիր կատարած այցի ժամանակ, որի հեռարձակումն իրականացվել է նրա Twitter-ում:

Ըստ նրա, փոփոխությունների պահանջներին ականջ չդնելը նշանակում է «Երկրորդ Համաշխարհային պատերազմից հետո առաջացած ստատուս քվոն պահպանելու համառ փորձեր»:

Էրդողանը միաժամանակ ավելացրել է, որ «աշխարհը հինգից ավելին է», նկատի ունենալով ՄԱԿ-ի Անվտանգության խորհրդի հինգ մշտական ​​անդամներին՝ Ռուսաստան, Չինաստան, Ֆրանսիա, Մեծ Բրիտանիա, ԱՄՆ:

Հուլիսին ՄԱԿ-ում Ռուսաստանի ներկայացուցչի տեղակալ Դմիտրի Պոլյանսկին «Իզվեստիա»-ին տված հարցազրույցում ասաց, որ Մոսկվան դեմ է ՄԱԿ-ի Անվտանգության խորհրդի մշտական ​​անդամների թվի ավելացմանը` «հավաքական Արևմուտքի» երկրների հաշվին: Նա նշել է, որ Անվտանգության խորհրդում նման երկրներն արդեն բավական են, և անհրաժեշտ է կենտրոնանալ այնտեղ զարգացող պետությունների մուտքի վրա:

Zham.am