Սաակաշվիլիին մենախուց են տեղափոխել

Վրաստանի նախկին նախագահ Միխեիլ Սաակաշվիլին տեղափոխվել է Ռուսթավիի բանտի մեկուսարան: Այդ մասին գրել է New Format-ը:

Այս որոշումը կայացրել է բանտի ղեկավարությունը՝ հաշվի առնելով Սաակաշվիլիի ցանկությունները: Քաղաքական գործիչը կտրականապես հրաժարվել է խուցը կիսել հարևանի հետ:

«Ահա թե ինչու Սաակաշվիլին, իր ցանկության հիման վրա, տեղափովվեց մեկ տեղանոց բանտախցում»,-ասվում է Վրաստանի քրեակատարողական վարչության փաստաթղթերում:

Նրանք պարզաբանել են նաև, որ նախկինում շրջանառվող տեղեկությունները, թե Սաակաշվիլին հանցախմբի հետ խուց է կիսում, չեն համապատասխանում իրականությանը:

Վրաստանի Արդարադատության նախարարությունը խնդրել է հավաքել բժիշկների խումբ՝ Սաակաշվիլիի առողջությունը վերահսկելու համար: Խմբի նպատակն է լինելու պարբերաբար վերահսկել Սաակաշվիլիի առողջությունը և, անհրաժեշտության դեպքում, համապատասխան առաջարկություններ ներկայացնել, հայտնում են նախարարությունից:

Zham.am