Ռոբերտ Քոչարյանի և Արմեն Գևորգյանի գործով դատավարությունը կշարունակվի՝ ուղիղ

Երեւան քաղաքի Շենգավիթ վարչական շրջանի ընդհանուր իրավասության դատարանում կշարունակվի ՀՀ երկրորդ նախագահ Ռոբերտ Քոչարյանի եւ նախկին փոխվարչապետ, այժմ պատգամավոր Արմեն Գեւորգյանի գործով դատավարությունը:

Ինչպես հաղորդվել էր ավելի վաղ, նախավերջին նիստին Արմեն Գեւորգյանի փաստաբանների փոփոխություն տեղի ունեցավ: Այժմ նրա շահերը կներկայացնեն փաստաբաններ Ալեքսանդր Կոչուբաեւը եւ Լուսինե Սահակյանը (մասով, որը վերաբերում է բացառապես կաշառակերության եւ փողերի լվացման ներկայիս մեղադրանքներին):

Դատավոր Աննա Դանիբեկյանը մեկ շաբաթով հետաձգեց նիստը՝ փաստաբաններին գործի նյութերին ծանոթանալու հնարավորություն տալու համար: Ապա նիստը հետաձգվեց եւս մեկ շաբաթով: Սակայն փաստաբան Սահակյանը նշեց, որ աշխարհում հազիվ թե գտնվի այնպիսի մարդ, ով կարողանա այդքան կարճ ժամանակում ծանոթանալ գործի 128 հատորներին:

Մանրամասները՝ NEWS.am-ի տեսանյութում