Վրաստանի ԱԳ նախարար. «Վրաստանը դեմ չէ «3+3» ձևաչափին մասնակցությանը»

Վրաստանի ԱԳ նախարար Դավիթ Զալկալիանին մեկնաբանելով «3+3» ձևաչափին Վրաստանի մասնակցությունը  հայտնել է, որ իրենց երկրի համար բարդ կլինի այս ձևաչափին մասնակցել ՌԴ հետ համատեղ:Այս մասին հայտնում է ՏԱՍՍ-ը: 

«Միևնույն ժամանակ, Թբիլիսիին անհրաժեշտ է մասնակցել մեծ աշխարհաքաղաքական նախագծերի՝ ինչ-որ տարբերակով: Անհրաժեշտ է, որ մենք հետ չմնանք այն գործընթացներից, որ զարգանում են տարածաշրջանում, և որ անպայման մասնակցենք բոլոր նոր, անգամ ենթակառուցվածքային նախագծերին: Հակառակ դեպքում դրանք կարող են շրջանցել Վրաստանը, ինչի հետևանքով Վրաստանը կարող է կորցնել իր դերն ու գործառույթը»,- ասել է նա:

Վրաստանի ԱԳ նախարարը նաև հավելել է, որ «այստեղ կարևոր է ունենալ հստակ դիրքորոշում, որ իրենց երկրի շահերը չտուժեն»:

Հիշեցնենք, որ հոկտեմբեր 6-ին Մոսկվայում ՌԴ և Իրանի ԱԳ նախարարները հայտարարեցին նոր տարածաշրջանային ձևաչափի ստեղծման մասին` հավելելով, որ «3+3» ձևաչափին մասնակցությանն իրենց համաձայնությունը դեռ չեն տվել միայն Հայաստանն ու Վրաստանը:

Վերլուծաբան Կորյուն Մանուկյանը «3+3» ձևաչափի մասին իր հոդվածում նշում է. «Իրանը, տեսնելով ՌԴ դիրքերի թուլացումը, վերհիշել է իր երբեմնի կարգավիճակի մասին ու փորձում է ինքը տեր կանգնել Սյունիքին։ «3+3» ձևաչափն այս պահին աշխարհաքաղաքական բալանսի ֆիքսման ձևաչափ է։

Վրաստանը դեմ է այդ ձևաչափին, բայց նրան ոչ մեկը չի էլ հարցնում։ Հայաստանը զրկված է ձայնի իրավունքից։ Մեր փոխարեն ՌԴ–ն ու Իրանն են բանակցում։ Ադրբեջանը նախապայմաններ ունի (Ալիևն ասում է՝ եկեք ղարաբաղի թեման փակված համարենք ու այն ճանաչենք Ադրբեջանի մաս, ինչին դեմ են արտահայտվում ՌԴ–ն ու ՀՀ–ն), ինչը Հայաստանը չի կարող բավարարել։ Թե ինչով կավարտվի Հայաստանի վրա տարվող «բազառը»՝ նոր պատերազմո՞վ, թե՞ պայմանավորվածությամբ, կերևա մոտ ապագայում։ Հայաստանի համար ամեն դեպքում լավ չի լինելու։ Մեզ կա՛մ վատ, կա՛մ շատ վատ սցենար է սպասվում»:

Zham.am