Զախարովա. Հնարավոր է ՌԴ և Ֆրանսիայի արտգործնախարարները քննարկեն ղարաբաղյան հարցը Մոսկվայում

Այսօր՝ հունիսի 15-ին, ՌԴ ԱԳՆ պաշտոնական ներկայացուցիչ Մարիա Զախարովան լրագրողների հետ հերթական ճեպազրույցում հայտարարեց, որ Մոսկվան չի բացառում ղարաբաղյան հակամարտության կարգավորման հարցի քննարկումը ՌԴ և Ֆրանսիայի արտգործնախարարներ Սերգեյ Լավրովի և Ժան-Իվ Լե Դրիանի կողմից հունիսի 20-ին:

«Մենք չենք բացառում այդ հարցի քննարկումը միջազգային այլ խնդիրների շարքում: Դա բնական է, մենք բանակցությունների մեջ ենք գտնվում ֆրանսիացի գործընկերների հետ, այդ թվում այդ հարցով», - ասաց Զախարովան:

Պատասխանելով այն հարցին, որ Ադրբեջանի արտգործնախարար Էլմար Մամեդյարովը վերջին երկու ամսվա ընթացքում ոչ մեկ անգամ հայտարարել է, որ ստատուս քվոի պահպանումն Արցախում անընդունելի է, և ադրբեջանական կողմը մշտապես հղում է անում ՄԱԿ ԱԽ 4 բանաձևերին, մինչդեռ բանակցությունների սեղանին դրված է, այսպես կոչված, Մադրիդյան սկզբունքները, արդյոք դա չի փոշիացնում 20 տարուց ավելի շարունակվող բանակցային գործընթացը, ասաց. «Կարծում եմ յուրաքանչյուր կողմ և Հայաստանը, և Ադրբեջանը, և նրանց պաշտոնական ներկայացուցիչների ու պետական այրերն ունեն այդ խնդրի լուծման իրենց տեսլականը: Գոյություն ունի հաստատված համապատասխան ձևաչափ, իրոք, հին խնդրի լուծման, որը ենթադրում է փոխզիջում՝ կողների դիրքորոշումների մերձեցում»:

Zham.am