Ուղիղ միացում Վլադիմիր Պուտինի հետ
Այսօր Ռուսաստանում մեկնարկեց ամենամյա «ուղիղ կապը» ՌԴ նախագահ Վլադիմիր Պուտինի հետ:
Ամեն տարի Վլադիմիր Պուտինը մեծ մամուլի ասուլիս է հրավիրում, որի ընթացքում պատասխանում է ՌԴ քաղաքացիներին և լրատվական միջոցներին հուզող հարցերին:
Վլադիմիր Պուտինը «ուղիղ կապի» ժամանակ պատմել է իր երեխաների ու թոռների մասին:
«Ես չեմ ցանկանում, որ նրանք արտոնյալ մեծանան, ես ցանկանում եմ, որ նրանք ապրեն շարքային կյանքով»:
Վլադիմիր Պուտինը բացատրել է նաեւ, թե ինչու է ռուսաստանցիների համար դժվար զգալ տնտեսական աճը:
«Ռուսաստանի տնտեսության անկումը շատ լուրջ է եղել, այդ պատճառով ռուսներին դեռ դժվար է զգալ տնտեսական աճը: Կավարտվի՞ արդյոք տնտեսական ճգնաժամը: Շատ եմ ցանկանում դրական պատասխանել, բնականաբար, ցանկանում եմ դրական ազդանշան ուղարկել հասարակությանը, միևնույն ժամանակ, միշտ մտածում ես, իսկ եթե հանկարծ մի բան տեղի ունենա, մի տեղ մի բան խափանվի: Բայց մենք բնականաբար նման եզրակացություններ անելիս պետք է հիմնվենք օբյեկտիվ տվյալների վրա՝ ինչ են ասում օբյեկտիվ տվյալները: Դրանք ասում են, որ ռեցեսիան ռուսական տնտեսությունում հաղթահարվել է: Եվ մենք անցել ենք աճի փուլին»,- ասել է Պուտինը:
Zham.am
Հետևեք մեզ Facebook-ում