Քննարկվում է «3 + 3» ձևաչափի ստեղծումը՝ Հայաստանի, Ադրբեջանի, Վրաստանի, Իրանի, Ռուսաստանի և Թուրքիայի մասնակցությամբ. Լավրով

ՌԴ ԱԳ նախարար Սերգեյ Լավրովը հայտարարել է, որ քննարկվում է Հայաստանի, Ադրբեջանի, Վրաստանի, Իրանի, Ռուսաստանի և Թուրքիայի մասնակցությամբ «3+3» ձևաչափի ստեղծման հնարավորությունը։ Այս մասին նա հայտարարել է Իրանի Իսլամական Հանրապետության ԱԳ նախարար Հոսեյն Ամիրա Աբդոլլահիանի հետ Մոսկվայում կայացած համատեղ մամուլի ասուլիսի ժամանակ։ 

«Այս համատեքստում մենք այսօր քննարկեցինք «3+3» ձևաչափի ստեղծման նախաձեռնությունը. երեք անդրկովկասյան երկրներ և նրանց երեք խոշոր հարևանները՝ Ռուսաստանը, Իրանը և Թուրքիան», - ասաց նա։ 

Նա նշել է, որ ինչպես Թուրքիան և Ադրբեջանը, Իրանը նույնպես դրական վերաբերմունք ունի այս նախաձեռնության նկատմամբ։

«Մենք աշխատում ենք մեր հայ գործընկերների հետ: Հուսով ենք, որ Վրաստանը, չնայած իր առջև ծառացած բոլոր խնդիրներին, կկարողանա տեսնել իր հիմնական շահը՝ ստեղծել այս տարածաշրջանի զարգացման խորհրդակցությունների և որոշումների համաձայնեցման մեխանիզմ, այս տարածաշրջանի արագացված զարգացում, որն այստեղ առկա հակամարտությունների պատճառով երկար ժամանակ կանգնեցվել էր»,-հավելեց Լավրովը։ 

Zham.am