Պետք է անպայման ճանաչենք թուրքական գործակալական ցանցի ներկայացուցիչներին

Ինչպես ավելի վաղ կանխատեսել էի,ըստ ադրբեջանական մամուլում հայտնված տեղեկության շատ շուտով` Թբիլիսիում տեղի կունենա Ադրբեջանի պետական կառույցների կողմից լիազորված ադրբեջանական «քաղհասարակության» ներկայացուցիչների և հայազգի ադրբեջանասերների, իսկ իրականում` Հայատանում գործող թուրք-ադրբեջանական ցանցի ներկայացուցիչների միջև հանդիպում։ 

Ըստ ադրբեջանական իշխանությունների նախագծի` հայազգի թրքամետ մանկուրտները պետք է հանդես գան որպես «հայաստանյան քաղհասարակության» ներկայացուցիչներ։ 

Այդ հանդիպման հիմնական նպատակ է հանդիսանում հետևալը` ադրբեջանցիները օգտագործելով դավաճան (այո դավաճան) հայերին, փորձելու են միջազգային հանրության մոտ ստեղծել այնպիսի տպավորություն, որ ԲՈԼՈՐ հայերը համակերպվել են Արցախի և Հայաստանի տարածքների օկուպացիայի հետ, որ հայերը այնուամենայնիվ պատրաստ են անտեսել ադրբեջանցիների վերջնական նպատակը` ոչնչացնել Հայաստանը և Արցախը, մի խոսքով հայերը և ադրբեջանցիները այս պայմաններում պատրաստ են ինչ-որ երկխոսության։ 

Ես հարկ չեմ համարում նույնիսկ քննարկել այդ կարգի հանդիպումների նպատակահարմարությունը, քանզի շինծու և տխմար «խաղաղասիրական» օրակարգը, որը փորձելու են այս կերպ փաթաթել մեր վզին, ոչ պակաս վտանգավոր է, քան օրինակ թուրք-ադրբեջանական տանդեմի ուղիղ սպառնալիքները «ջարդել հայերի գլուխը եթե հայերը խելոք չմնան»։ 

Այնուամենայնիվ ինձ շատ հետաքրքիր է, թե ովքեր են գնալու թշնամու հետ այդ հանդիպումներին, քանզի մենք պետք է անուն-առ-անուն անպայման ճանաչենք թուրքական գործակալական ցանցի ներկայացուցիչներին , որոնք գործում են Հայաստանում։

Արման Աբովյանի Ֆեյսբուքյան էջից