Լիտվան Հայաստանին «Մոդերնա»-ի արտադրության 50000 դեղաչափ պատվաստանյութ է տրամադրել
Լիտվան Հայաստանին է փոխանցել «Քովիդ-19».-ի դեմ «Մոդերնա» ընկերության պատվաստանյութի 50 հազար դեղաչափ, որի մասին օրեր առաջ հայտարարել էր Լիտվայի վարչապետը։ Ինչպես փոխանցում է «Արմենպրես»-ն՝ այս մասին հայտնել է Լիտվայի առողջապահության նախարարությունը։
Պատվաստանյութի փոխանցման արարողությունը տեղի ունեցավ հոկտեմբերի 4-ի երեկոյան՝ Վիլնյուսի օդանավակայանում, երբ ՀՀ վարչապետ Նիկոլ Փաշինյանի գլխավորած պատվիրակությունը վերադառնում էր Հայաստան:
Լիտվան մարդասիրական օգնություն է տրամադրել՝ ի պատասխան Հայաստանի խնդրանքի, որը հիմնված է երկկողմ համաձայնության վրա` ԵՄ պատվաստանյութերի փոխանակման մեխանիզմի միջոցով:
Պաշտոնական այցի ընթացքում Լիտվայի և Հայաստանի առողջապահության նախարարները ստորագրեցին համագործակցության համաձայնագիր։ Սա առաջին դեպքն է, երբ Լիտվան նվիրաբերել է «Մոդերնա»-ի պատվաստանյութ:
Հետևեք մեզ Facebook-ում