Պուտինի անձնական գերին եմ. Սաակաշվիլին նամակ է գրել Զելենսկուն

Վրաստանի նախկին նախագահ Միխեիլ Սաակաշվիլին, ով վերադարձել է հայրենիք և անմիջապես հայտնվել ճաղերի հետևում, բաց նամակ է գրել Ուկրաինայի նախագահ Վլադիմիր Զելենսկուն:

Հրապարակված ուղերձում Սաակաշվիլին, ով նաև Ուկրաինայի քաղաքացի է, շնորհակալություն է հայտնում Զելենսկիին՝ ազատ արձակմանը նպաստելու խոստման համար:

Սահակաշվիլիի նամակի երեք՝ ուկրաիներեն, ռուսերեն և անգլերեն  լեզուներով տեքստը  հրապարակվել է սոցիալական ցանցի նրա էջում.

«Հարգելի Վլադիմիր Ալեքսանդրովիչ, ես խորապես զգացված եմ ձեր խոսքերից և իսկական բարձրակարգ պետական ​​գործչի արձագանքից Վրաստանում իմ անօրինական ձերբակալության և բանտարկության վերաբերյալ՝ կեղծ մեղադրանքների հիման վրա, որոնք աշխարհում, բացի Ռուսաստանից, ոչ ոք չի ճանաչում:

Կյանքիցս առավել ես իմ Վրաստանն եմ սիրում, բայց նաև սիրում եմ Ուկրաինան՝ իմ երկրորդ հայրենիքը, որտեղ ես անցկացրել եմ իմ կյանքի երկար տարիներ, և որտեղ ունեմ ընտանիք և ընկերներ, և քաղաքացիություն, որը ես շատ եմ գնահատում:

Ամբողջ կյանքում հպարտանալու եմ, որ հնարավորություն ունեցա իմ համեստ ներդրումն ունենալ ձեր կատարած պատմական փոփոխությունների և բարեփոխումների մեջ:

Քանի որ ես Փաստացի Պուտինի անձնական գերին եմ, ես բարձր եմ գնահատում ձեր սկզբունքային դիրքորոշումը Ուկրաինայի, ամբողջ տարածաշրջանի և կայսրության բոլոր գերիների պաշտպանության վերաբերյալ:

Հարգանքներով՝ Միխեիլ Սաակաշվիլի»:

Zham.am