Türkiye. Ի՞նչ պայմաններ Էրդողանը Սոչիում կդնի Պուտինի առջև Արցախի մասով

Երբ Հայաստանը, Ադրբեջանը և Ռուսաստանը համաձայնագիր կնքեցին Ղարաբաղում հրադադարի մասին, Թուրքիան չմասնակցեց դրան, չնայած նա շտապեց հաղթանակը վերագրել ինքն իրեն: Այսօր որոշ վերլուծաբաններ, այդ թվում ադրբեջանցի, կանխատեսումներ անելով Սոչիում կայանալիք ռուս-թուրքական գագաթնաժողովի վերաբերյալ կանխատեսում են, որ Ռեջեփ Թայիփ Էրդողանը Ղարաբաղի մասով Պուտինի առջեւ Սոչիում պայմաններ կդնի: 

Այսպես, Türkiye պարբերականը գրում է, որ սեպտեմբերի 29-ին Սոչիում կհանդիպեն Թուրքիայի նախագահ Ռեջեփ Թայիփ Էրդողանը և Ռուսաստանի նախագահ Վլադիմիր Պուտինը: Պարբերականը նշում է, որ Իդլիբի, Ղրիմի, S-400-ի, Սերբիայի և Կոսովոյի սահմանին տիրող իրավիճակի հետ մեկտեղ, որտեղ վերջին շրջանում լարվածությունը մեծացել է, հանդիպմանը կքննարկվի նաև Ղարաբաղի հարցը:

Ադրբեջանի Մեջլիսի պատգամավոր Ազիզ Ալաքբերլին նշել է, որ «Զանգեզուրի միջանցքի» (իբր Zham.am) և Ղարաբաղի հարցը մեծ նշանակություն ունի ընթացիկ տարածաշրջանային օրակարգում և ներառվելու է (իբր-Zham.am) Սոչիում կայանալիք հանդիպման օրակարգում: Պատգամավորն ընդգծում է, որ «միջանցքի» հարցը շատ կարեւոր է «տարածաշրջանային հավասարման տեսանկյունից»:

Ազիզ Ալիբեյլին հայտնում է նաև, որ Ադրբեջանի վարչակազմը տեղյակ է տարածաշրջանում Ռուսաստանի ռազմական հզորությունը օպերատիվ ուժի փոխակերպելու հետ կապված վտանգների մասին և, հետևաբար, միջոցներ է ձեռնարկում այն սահմանափակելու համար: Այս միջոցառումների շարքում օրակարգում է նաև Լաչինի ներկայիս միջանցքի այլընտրանքային նախագիծը:

Ըստ ադրբեջանցի պատգամավորի, սա այն օրակարգն է, ինչի մասին Թուրքիայի նախագահը կխոսի Պուտինի հետ:

Zham.am

Լուսանկարը՝ РИА Новости: