Ժողովրդավարական նորմերի հետընթաց Հայաստանում. Freedom House-ի կոչը՝ ՀՀ իշխանություններին

Հեղինակավոր Freedom House միջազգային իրավապաշտպան կազմակերպությունն իր ֆեյսբուքյան էջում անդրադարձել է Նիկոլ Փաշինյանին վիրավորական մեկնաբանություն գրած ֆեյսբուքյան օգտատիրոջ դեմ հարուցված քրեական գործին՝ կատարելով հետևյալ գրառումը․

«Freedom House-ն իր մտահոգությունն է հայտնում վերջերս հարուցված քրեական գործի մասին, որը հարուցվել է Facebook- ի օգտատիրոջ դեմ՝ Հայաստանի վարչապետ Նիկոլ Փաշինյանի մասին վիրավորական մեկնաբանություն գրելու համար։ Սա տեղի է ունեցել այն բանից հետո, երբ երկու ամիս առաջ խորհրդարանն ընդունեց պետական պաշտոնյաների դեմ «ծանր վիրավորանքները» քրեականացնող փոփոխություններ։ Սա խորհրդանշում է ժողովրդավարական նորմերի ակնհայտ հետընթաց Հայաստանում, ներառյալ՝ խոսքի ազատությունը։ Մենք կոչ ենք անում Հայաստանի իշխանություններին անհապաղ դադարեցնել զրպարտությունը քրեականացնող հակասահմանադրական օրենսդրության կիրառումը»։

Աղբյուր՝ «Հրապարակ»