«Եթե տեսնենք, որ նոր վտանգ կա մեր ժողովրդի եւ պետության համար, ապա առանց վարանելու կկոտրենք հայկական ֆաշիզմի գլուխը». Ալիևը նորից սպառնում է Հայաստանին
«Հայկական ֆաշիզմը ոչնչացվել է, բայց դրա դրսեւորումները տեսանելի են: Սա շատ վտանգավոր միտում է առաջին հերթին հայկական պետության համար»,-այս մասին հայտարարել է Ադրբեջանի նախագահ Իլհամ Ալիևը Արցախի դեմ լայնածավալ ագրեսիայի առաջին տարելիցի օրը, ինչպես նաև սպառնալիքներ հնչեցրել Հայաստանի հասցեին։
«Ես արդեն ասել եմ, եւ այսօր՝ Հիշատակի օրը, մեր շեհիդների լուսավոր հիշատակի առջեւ եւս մեկ անգամ կասեմ՝ եթե տեսնենք, որ հայկական ֆաշիզմը գլուխ է բարձրացնում, եթե տեսնենք, որ նոր վտանգ կա մեր ժողովրդի եւ պետության համար, ապա առանց վարանելու կկոտրենք հայկական ֆաշիզմի գլուխը: Թող բոլորը դա իմանան: Թող ոչ ոք չմոռանա, որ պատերազմի եւ Հաղթանակի խորհրդանիշ «Երկաթե բռունցքը» տեղում է»,-ասաց նա։
Իր հերթին, Ադրբեջանի ԱԳՆ-ն տարածած հայտարարության մեջ ադրբեջանական ագրեսիան անվանում է «Հայաստանի զինված ուժերի հերթական ռազմական սադրանքի կանխում», որը, իբր, համապատասխանում է միջազգային հումանիտար իրավունքներին, թվարկում է հայկական կողմի ենթադրյալ «հանցագործությունները», հաղորդում ՄԻԵԴ եւ Միջազգային դատարան դիմումների մասին։
Zham.am
Հետևեք մեզ Facebook-ում