Իսպանիայի Վալենսիա քաղաքը ճանաչել է Հայոց Ցեղասպանությունը

«Valencia Extra»-ն հաղորդում է, որ Իսպանիայի Վալենսիա քաղաքի տեղական ինքնակառավարման խորհուրդը հունիսի 9-ին բանաձև է ընդունել, որով ճանաչում և դատապարտում է Հայոց ցեղասպանությունը։

Հայոց ցեղասպանության ճանաչման մասին բանաձևի օգտին քվեարկել են «Կոմպրոմիս», «Վալենսիա էն Կոմուն» և «Սոցիալիստական» կուսակցությունները` դատապարտելով 20-րդ դարի առաջին Ցեղասպանությունը և կոչ անելով Վալենսիայի խորհրդարանին, Իսպանիայի կառավարությանը, ինչպես նաև Թուրքիային՝ հետևել իրենց օրինակին։

Հաղորդագրության մեջ նաև հակիրճ ներկայացվել է 20-րդ դարի առաջին ցեղասպանության մանրամասները. տարհանված և ցեղասպանության ենթարկված 1.5 մլն հայերի մասին, որի հետևանքով էլ ձևավորվել է հայկական Սփյուռքը: