Արցախյան 44-օրյա պատերազմից հետո Թուրքիան զգալիորեն ընդլայնել է Ադրբեջանի կլանման գործընթացը

Մասնավորապես, օրերս հայտնի է դարձել, որ Ադրբեջանում Թուրքիայի հատուկ հրամանատարական խմբում թուրք զինվորականների ներկայացվածությունը բարձրացվել է գեներալի աստիճանի. նշանակվել են 4 թուրք գեներալներ,

փոխվել է նաև Ադրբեջանում Թուրքիայի ռազմական կցորդը:

 

Ըստ էության, այս գործընթացը լիովին բնութագրում է թուրք-ադրբեջանական հարաբերությունների հետպատերազմյան տրամաբանությունը՝ Թուրքիան փորձում է հնարավորինս՝ նաև ռազմական ոլորտում կլանել Ադրբեջանը։ Վերոնշյալի համատեքստում, հաշվի առելով այդ նշանակումների իրողությունը և թուրք-ադրբեջանական զորավարժությունների բավականաչափ հագեցած օրակարգը՝ կարելի է ենթադրել, որ փորձ է արվում աստիճանաբար անցում կատարել «1 ազգ, 1 բանակ» մոդելին: Ընդ որում՝ այն իրականացվում է 2 փուլով՝ ադրբեջանական բանակը հնարավորինս մոտեցնել թուրքական բանակի մակարդակին, այնուհետև դարձնել վերջինի կցորդը:

 

Զուգահեռաբար, Թուրքիայի իշխանական վերնախավի հռետորաբանության մեջ «ղարաբաղյան հաղթանակի սեփականաշնորհման» նպատակային ձգտման ֆոնին ամեն օր հաղթանակի էյֆորիայով սնուցվող Ադրբեջանի հասարակությունը այդպես էլ չի զգում, թե ինչպես է կորցնում ինքնիշխանությունը՝ արդեն «մեկ ազգ, մեկ պետություն» թուրքական ծրագրի աստճանական կենսագործման եղանակով: