Լիճք գյուղում ՀԷՑ-ի պաշտոնյաները, ոստիկանների ուղեկցությամբ, որոշել են ապամոնտաժել ենթակայանը և փոխարենը տեղադրել ընդամենը 160 կՎտ հզորության տարբերակ

13 Սեպտեմբեր, 2021 16:45

Դիտել նաև

«2026-ի տարեմուտը զգուշացնում է ճակատագրական լինելու մասին». Նաիրի Հոխիկյան «Նիկոլի ներկայությամբ Ամենայն հայոց կաթողիկոսի անունը հնչեցնելը կատաղեցրել է իշխանական ամբողջ թիմին»․ Նաիրի Հոխիկյան «Ընդդիմադիր Գյումրին Նիկոլի ոհմակից ազատվելու կարևոր կենտրոն է»․ Նաիրի Հոխիկյան «Արամ քահանան ցինիկաբար գործ է տալիս»․ Նաիրի Հոխիկյան «Վարդենիսում ասում են՝ Տարոն քահանան աբիժնիկ էր Վեհափառից»․ Նաիրի Հոխիկյան

Գեղարքունիքի մարզի Լիճք գյուղում կա Քռի թաղամաս կոչվող վայր, որը բարձունքի վրա է՝ կոմունալ պայմանների ապահովման տարբեր դժվարություններով։ 1990-ականներին, երբ ՀՀՇ-ն այսօրվա իշխանության նման համատարած անտերության էր մատնել երկիրը, գյուղի բնակիչների ջանքերով դրվել է 400 կՎտ հզորությամբ ենթակայան, հենասյուներ, անցկացվել են հոսանքալարեր։ Դրանք էլեկտրականություն են ապահովում մոտ 70 տնային տնտեսության՝ մոտ 300 բնակչով։

Հիմա ՀԷՑ-ի պաշտոնյաները, ոստիկանների ուղեկցությամբ, որոշել են ապամոնտաժել ենթակայանը և փոխարենը տեղադրել ընդամենը 160 կՎտ հզորության տարբերակ, որը չի կարող պատշաճ կերպով կատարել իր աշխատանքը։ Մարդիկ բացատրում են, որ նույնիսկ 400 կՎտ ենթակայանն է ձմռանը խեղճանում, էլեկտրական սարքերը շատ են, հաճախակի անջատումներ են լինում։ Պաշտոնյաները արձագանքում են, թե ձմռանը իրենք նորից կդնեն հինը, եթե նորը չդիմանա։

Լեզվակռիվն ու բանավեճը վերաճել է վիճաբանության ու փոխադարձ վիրավորանքի, գյուղի բնակիչները կարողացել են թույլ չտալ, որ 400 կՎտ հզորության տրանսֆորմատորը տեղափոխվի։ https://hetq.am/hy/article/135576...

Այս հրապարակումն անում եմ երկու պատճառով․

1․ Լիճքը իմ ծննդավայրն է, և իմ պարտքն է աջակցել համագյուղացիներիս, նույնիսկ եթե ավելի քան 20 տարի այնտեղ չեմ ապրում։

2․ Հրավիրում եմ ՀԷՑ-ի կառավարման օղակների ուշադրությունը այս հարցի վրա։ ՀԷՑ-ի բարձրագույն ղեկավարության մեջ շատերին եմ ճանաչում, մեծ մասը ոլորտի հայտնի մասնագետներ են։ Առաջարկում եմ ևս մեկ անգամ ամենաբարձր մակարդակով քննարկել այս խնդիրը և Լիճքի բնակիչների էլեկտրականության հարցը լուծել այնպես, որ նրանք հիմա կամ ամիսներ անց չկանգնեն կենցաղային աղետի առաջ։

Լրագրող Նաիրի Հոխիկյանի ֆեյսբուքյան էջից