Ռոբերտ Քոչարյանի անունը հանցագործությունների հետ կապողները վաղուց սուտասանի համբավ ունեն. Բագրատ Միկոյան

Նախօրեին Արամ Զավենի Սարգսյանն իր հերթական հարցազրույցի ժամանակ նորից խոսում էր ՀՀ երկրորդ նախագահ Ռոբերտ Քոչարյանի մասին՝ ակնարկելով ինչ-որ նոր հետաքննության մասին: Այս մասին Yerevan.Today-ը մեկնաբանություն է խնդրել ՀՀ երկրորդ նախագահի գրասենյակի համակարգող Բագրատ Միկոյանից:

- Երեկ մի հարցազրույցում Արամ Զավենի Զարգսյանը ակնարկում էր ինչ-որ հանցագործությունների մասին, որոնց մասին իբր հետաքննությունը փորձում է տեղեկություններ ստանալ Աղվան Հովսեփյանի գործով և ակնարկում էր , որ իբր թե Ռոբերտ Քոչարյանն էլ կապ ունի դրա հետ: Կխնդրենք Ձեր գնահատականը այս հայտարարության մասին:

«Արդեն շուրջ 25 տարի է, ինչ մի քանի անձնավորություն փորձում են տարատեսակ հանցագործություններ կապել Ռոբերտ Քոչարյանի անվան հետ։ Բոլոր այդ փորձերը անփառունակ ավարտ են ունենում, դրանց հեղինակներն էլ արդեն վաղուց կորած սուտասանների համբավ ունեն մեր հասարակության մեջ։ Նրանց շարքում է նաև ձեր հիշատակած անձը, աղետի գոտին թալանելով հարստացած ու հակաբեղմնավորիչ ածականով հասարակությանը հայտնի մեկ այլ անձ, ևս մեկ-երկու հոգի։

Այսօր դժվար է գնահատել վնասի չափը, որ սրանք հասցրել են մեր ներազգային համերաշխությանը, մեր պետության հեղինակությանը։ Ու ցավոք, շարունակում են վնասել»,-ասաց նա։