Հայաստանի Հանրապետության անկախության տոնը՝ առանց թուրքահպատակ իշխանության

Հայաստանի Հանրապետության անկախության տոնը՝ առանց թուրքահպատակ իշխանության: Սա պետք է լինի այն ժողովրդի պահանջը, որի ազգային արժանապատվությունը մեռած չէ: Հայ գերիները անմարդկային տանջանքների, խոշտանգումների են ենթարկվում ադրբեջանական բանտերում, հազարավոր ընտանիքներ սգավոր են, հազարավոր ճակատագրեր խեղված, իսկ հայատյաց ասունը ոչ միայն ճաղերի հետևում չէ, այլև գունագեղ միջոցառման է հրավիրում մարդկանց, իսկ պաշտոնական անկարայից և բաքվից հնչող սպառնալիքներն էլ համարում է դրական ազդակներ։

Սա ծաղր է ուղղված հայ ժողովրդին:

 

Սա հավատարմության երդում է ուղղված իր թուրք գաղափարակիցներին, առ այն, որ՝ ձեր առջև բացելու եմ նաև Հայաստանի դարպասները, այնպես ինչպես Արցախինը:

 

Ավելին, նորից եմ կրկնում` պատրաստվում է կապիտուլյացիոն երկրորդ փաստաթղթի ստորագրմանը, որով հանձնվելու են Հայաստանի տարածքները։ Իսկ կարճ ժամանակ անց լինելու է այն, ինչ եղավ 1915-ին, որովհետև Հայկական պետականության գոյությունը մեծագույն խոչընդոտ է Հարավային Կովկասը նվաճելու թուրքական ծրագրին: Սեպտեմբերի 21-ը պետք է լինի, ոչ թե մեռնող, այլ ապրել ցանկացող, արարող, սեփական հողին տեր կանգնող արժանապատիվ հայ մարդու պայքարի զանգը:

 

Սեպտեմբերի 21-ը պետք է լինի հակահայ այս իշխանության վերջը: