Տոնեք նոյեմբերի 9-ը

ՏՈՆԵՔ ՆՈՅԵՄԲԵՐԻ 9-ը

1.Արդյո՞ք,սեպտեմբերի 21-ը Հայաստանի անկախության օրն է։ Սեպտեմբերի 21-ին ուղղակի տեղի է ունեցել անկախության հանրաքվե։ Այդ հանրաքվեն, ոչ մի ազդեցություն չունեցավ։ Աշխարհի ոչ մի պետություն չէր պատրաստվում ճանաչել Հայաստանի անկախությունը,ինչպես չեն ճանաչում,օրինակ Կատալոնիայի անկախությունը։ Իրականում Հայաստանն անկախացավ, նույն 1991թ․ դեկտեմբերի 8-ին,Բելոռուսի Բելովեժ քաղաքում , Ռուսաստանի, Ուկրաինայի և Բելոռուսիայի ղեկավարների կողմից ստորագրված համաձայնագրին հաջորդած, դեկտեմբերի 26-ի ԽՍՀՄ Գերագույն Խորհրդի կողմից ԽՍՀՄ հանրապետությունների անկախությունը ճանաչման միջոցով։ Այդ օրվանից, ԽՍՀՄ բոլոր՝ 15 հանրապետություններն անկախացան, առանց անկախության հանրաքվե անցկացնելու։

2.Ամեն դեպքում, ընդունենք, որ ըստ տարիների ավանդույթի այդ օրը տոնական է։

Այդ դեպում այլ հարցեր են առաջանում։Շատերն,իրավացիորեն այս առիթով հիշում են պատերազմը, մեր խայտառակ պարտությունը, Արցախի կորուստը, դեռևս շարունակվող պատերազմը, թշնամու զորքերի ներխուժումը Հայաստանի Հանրապետության տարածք, նրանց կողմից կատարվող ամենօրյա սադրանքները, հազարավոր զոհերը, տառապող գերիները։Այս ամենին կարելի է ավելացնել շարունակվող և մոլեգնող համաճարակը, օրական տասնյակ մահերը։

Եվ այս ամենը հաշվի չառնելով գունեղ կերպով տոնել սեպտեմբերի 21-ը,իսկապես աներևակայելի ցինիզմ է։ Լավ, ենթադրենք վարչապետ կոչեցյալը, զուրկ է տարրական բանականությունից, գթասրտությունից, բա դու՞ք, ա՛յ նախարարներ, պատգամավորներ, այլ կողմնակիցներ։

3.Եվ, վերջապես՝ ամենակարևորը։ Ընդունենք, որ իսկապես սեպտեմբերի 21-ը Հայաստանի անկախության օրն է։ Այդ դեպքում, նույնպես հարց է առաջանում․

Ձե՞զ ինչ, ախր դուք ի՞նչ կապ ունեք այդ օրվա հետ։ Հակառակը, դուք կործանեցիք Հայաստանի անկախությունը։ Այսօր Հայաստանը վերջնականապես կորցրել է իր անկախությունը, դարձել ծաղրանքի՝ թշնամիների,խղճահարության և արհամարհանքի առարկա՝ աշխարհի մնացած բոլոր երկրների կողմից։ Եվ դուք համարձակվում եք տոնել Հայաստանի անկախության օ՞րը։ Ձեր իրական տոնը նոյեմբերի 9-ն է,Հայաստանի կործանման օրը։

Հայաստանի այն քաղաքացիները, ովքեր դեռևս պահպանում են մարդկային և ազգային արժանապատվություն, հուսով եմ կբոյկոտեն «տոնակատարությունը»։

Ավետիք Իշխանյանի Ֆեյսբուքյան էջից