«Առողջապահության նախարարությունը տապալել է կանխարգելիչ բոլոր միջոցառումները». Կարեն Ավագյան
ՀՀԿ-ական նախկին պատգամավոր Կարեն Ավագյանի գրառումը.
«Գրեթե 100.000 մարդ է ՀՀ-ում ստացել կորոնավիրուսի դեմ պատվաստանյութի երկրորդ չափաբաժինը: Այս թիվն ամենևին չի խոսում ՀՀ պատվաստված բնակչության տոկոսային հարաբերակցության մասին: Այս թվի մեջ ներառված են ՀՀ-ում պատվաստված բոլոր օտարերկրյա քաղաքացիները: Առողջապահության նախարարությունն այս ժամանակահատվածում տապալել է բոլոր կանխարգելիչ միջոցառումները, այդ թվում պատվաստման գործընթացը: Դրան զուգահեռ գործում են բոլոր ուսումնական հաստատությունները, որոնք համավարակի տարածման կառավարելիությունը նվազեցնելու են: Աշխարհն արդեն քննարկում է պատվաստանյութի երրորդ դեղաչափի անհրաժեշտությունը: Իսկ մեր նախարարին հուզում է միայն սոցցանցերում դեսպանների հետ նկարներ ներբեռնելը:
Միգուցե դա օգտակար է նախարարի առողջության համար, բայց որևէ կապ չունի մեր երկրի առողջապահական համակարգի բարելավման հետ: Իսկ օրինակ՝ պետպատվերի կասեցման ծանրագույն հետևանքներն արդեն նկատելի են (դրա մասին ավելի ուշ): Այսպես, կորոնավիրուսից ունենք 4954 մահ: Այլևս առողջապահական համակարգի պատասխանատուները կարողացան մեզ սովորեցնել ոչ թե օրական մեկ, երկու մահ լսելուն, այլ 15 և ավելի»:
Հետևեք մեզ Facebook-ում