«Գերիների սպանության 38 գանգատ ենք ներկայացրել, ևս 30-ի սպանության հարցով էլ կասկածներ ունենք»․ Սիրանույշ Սահակյան. Տեսանյութ

«Ռազմագերիների խնդիրներից զատ կյանքի իրավունքի պաշտպանության հարցերով այս պահին ներկայացրել ենք 38 գանգատ, սակայն ուսումնասիրում ենք մի քանի տասնյակ գործեր, որտեղ ունենք նախնական փաստեր, որ սպանվել են, սակայն պարզապես սպասում ենք փորձաքննությունների արդյունքներին և պետք է լրացնենք այլ փաստահավաք առաքելությամբ, որպեսզի ունենանք վերջնական փաթեթներ»,- այս մասին այսօր՝ ասուլիսի ժամանակ ասել է իրավապաշտպան Սիրանուշ Սահակյանը։

«Կանխատեսում ունենք, որ շուրջ 30 գործով կյանքի իրավունքի խախտման խնդիրներ ենք բարձրաձայնելու։ Այս թիվը չի ներառում բռնի անհետացումների դեպքերը։ Սպանության պարագայում արդեն իսկ ունենք մարմին, ԴՆԹ համընկնում, ապացույցներ, որ անձինք եղել են ողջ՝ Ադրբեջանի վերահսկողության ներքո, մարտական գործողությունների մասնակիցներ չէին, սակայն նրանց կամայական ձևով զրկել են կյանքից, արտադատական գնդակահարությունների են ենթարկել»,- ասել է Սահակյանը։