Սատանովսկի. Հայաստանի վրա ազդեցություն կունենա թուրք-իրանական հակամարտությունը

Երեկ՝ հունիսի 7-ի առավոտյան, ահաբեկչական հարձակում է տեղի ունեցել Իրանի խորհրդարանում: Անհայտ անձիք Կալաշնիկով հրաձիգներով ներխուժել են շենք և կրակ բացել: Խորհրդարանում հարձակման հետ միաժամանակ  մահապարտ կին ահաբեկիչը պայթեցրել է իրեն Իրանի հիմնադիր իմամ Ռուխոլլա Մուսավի Խոմեյնիի դամբարանում: Ահաբեկչական գործողության հետևանքով 12 մարդ է զոհվել, 39-ը՝ վիրավորվել:

Կրոնական պատերազմը, որն ընթանում է Մերձավոր Արևելքում, չշրջանցեց նաև Իրանը, գտնում է Մերձավոր Արևելքի Ինստիտուտի տնօրեն Եվգենի Սատանովսկին:

«Վերջին տարիներին մշտական ճնշում է իրականացվում Իրանի վրա այդ երկրի սահմանի ողջ երկայնքով: Այնտեղ գործում են Սաուդյան Արաբիայի հատուկ ծառայությունները, գործում են կազմակերպություններ՝ ֆինանսավորվող Էր Ռիադի կողմից: Այդ իսկ պատճառով ապակայունացնել իրավիճակն Իրանում սպասելի էր», - «РУСАРМИНФО»-ի հետ զրույցում ասավ Եվգենի Սատանովսկին:

Ահաբեկչությունը դարձավ Սաուդյան Արաբիայի և նրա դաշնակիցների ու Իրանի միջև կրոնական պատերազմի արդյունք, գտնում է փորձագետը:

«Այդ պատերազմը տարվում է հիմնականում Սիրիայի, Եմենի, Լիբանանի, Իրաքի տարածքում, բայց, անշուշտ, հարկ է ակնկալել, որ այն կանցնի Իրանի, Սաուդյան Արաբիայի և այլ խոշոր տարածաշրջանային երկրների տարածք: Այդ դեպքում իրադարձություններն իրենց ազդեցությունը կթողնեն Մերձավոր Արևելքի վրա, բայց դժվար թե Իրանի գործընկերներ՝ Հայաստանի և Ռուսաստանի վրա», - նշեց Եվգենի Սատանովսկին:

Եվգենի Սատանովսկին նշեց, որ Հայաստանի վրա կազդի հնարավոր թուրք-իրանական պատերազմը բազում կետային կոնֆլիկտների պատճառով Թեհրանի ու Անկարայի միջև:

Zham.am