«Ձեզ նոր զոհեր են պե՞տք, այդքան արյունից չհագեցա՞ք․ խրամատներ փորեցե՛ք». Աշոտ Միրզոյան

 «Երեկ մարշրուտկայով Երևանից գալիս եմ Ալավերդի։ Հետս Վարդենիս հարս գնացած մի երիտասարդ կին էր հորանց գալիս։

Թուրքի պոստի իր տնից արված նկարը ցույց տվեց։ Այնքան պարզ, փաստորեն հարյուր մետր էլ չկար։

Ամուսինը մեր դիրքերում է լինում։ Մեր տղերքի վրանի նկարը ցույց տվեց։ Հա—հա-հա՜՜՜՜՜․․․․

Հասկանո՞ւմ եք, թուրքերը խրամատներ ունեն, բլինդաժներ ունեն, իսկ մերոնք նրանցից մի հիսուն մետր հեռու՝ վրաններում են ․․․

Մերոնք փաստորեն զուտ կենդանի թիրախներ են ասկյարների զորակոչիկների համա՞ր․․․․
Այսինքն թուրքը ոնց էլ կրակի, նույնիսկ թուրքի անփորձ լակոտն առաջին անգամ կրակի՝ կրակահերթից մի գնդակ անպայման մի հայ զինվորի կկպչի։

Բաց տեքստով դիմում եմ կառավարության ոչուփուչերին, ԱԺ-ի բոլորին.
— Էս ի՞նչ եք անում։

Պատերազմի ժամանակվա այդքան զոհն ու հաշմանադամը քի՞չ էր․․․ Ձեր Փողերն ավելացնելու փոխարեն խրամատներ փորեցեք։

Սահմանին կանգնած յուրաքանչյուր տղա մի տան ճրագ է։ Մի տան հույս է։ Բոլորով միասին մեր բոլորիս հույսն ու ապավենն են։

Ձեզ նոր զոհեր են պե՞տք։ Այդքան արյունից չհագեցա՞ք․․․․

Խրամատներ փորեցեք։

Առաջին խնդիրը, այսօրվա հրամայականը դա է»։

Աշոտ Միրզոյանի ֆեյսբուքյան էջից